دن القلم واكتب قصيده بعنوان=ياحسين غاب الزين والبعد قتال
مرسولة ٍ مني على حسين شامان=معمري قلبه على الطيب ميال
بني عمر ربعه لهم رفعة الشان=ذي لابة ٍ تنجب صناديد وابطال
ياحسين قلبي من جفا الود حدمان=اسهر طوال الليل ماراق لي بال
على الذي شابه قمر نصف شعبان=غالي وله في داخل القلب منزال
حبه سرى بالدم في كل شريان=واليوم بعده عننا مبري الحال
ياحسين عطني حل صاحبك حيران=قام يتجرع سم فنجال فنجال
في ضميري حزن منه الصفى لان=على الذي خده كما سبعة الآل
مالي سلا غير القوافي والالحان=جريت لجله خمسه آلآف موال
ولو كان يدري داعج العين لو كان= ماكان طاوعبي من الناس عذال