ملتقى قبيلة حرب الرسمي - برقعوها000قصيده جميله

العام الاول سيـرو يابـن كسـاب=معهـم صغيـره تـو مابرقعوهـا
لو ماتغطت ماعلى مثلهـا عتـاب=ولاهي تطيع الناس لـو عاتبوهـا
كانت تلبسها غصب امها حجـاب=ويفلـه الذعـذاع لا مرجحـوهـا
يغار اخوها مايبـي تطلـع البـاب=لكـن اهلهـا كنـهـم دلعـوهـا
العام الاول سافـرو حـزة غيـاب=شوفي بعينـي يومهـم ودعوهـا
كل البنات اقراب ,جيران, واصحاب=ادموعهم عنـد الـوداع اذرفوهـا
والعيد هذا سيـرو نـاس غيـاب=بعد ثلاث اسنيـن جـو شرفوهـا
تجمعو كـل القرايـب والاحبـاب=تعـايـدو لكنـهـم ماعرفـوهـا
الطفله اللي اكثر اغراضها العـاب=بعـد الصبـا بخمارهـا قنعوهـا
كبرت على العتبه ,ومريم ورحـاب=ياما شـرو كتاكـت واتقاسموهـا
وانا انكتب لي انطح وجيه الاغراب=اهل البلد في خيـر ميـر ابتلوهـا
مرت تثنى وانصهر غي وانسـاب=متى كبرت هالبنت يالعـن ابوهـا
تمشي تقل تمشي على صفحة كتاب=قصـه مـن التلمـود ماالفـوهـا
لدة علي بعيونها حيـرة اعجـاب=ملامحـي فـي غيهـا ذكـروهـا
وانا عرفت ان التعاسه لها اسبـاب=لاصرت خابـر زينهـا وحجبوهـا
عيد الضحيه مر والجرح ماطـاب=تتفتـق جروحـي ولـو قطبوهـا
ياليتني في عمرها يابـن كسـاب=والله مااخليهـا ولـو حيـروهـا
لاصرت خابرها قبل تلبس حجـاب=وشلون ابا انساها ولـو برقعوهـا

ملاحظه --لم اتوصل الى اسم شاعرها00