|
لا وآخسارة خيلتي يوم أخايل
لا وآخسارة خيلتي يوم أخايل=حسَّبت أخايل في سحابة سديده لقيتها طلٍ على عود مايل=عشَّم على تمر النخل مع جريده مشروبها لو جاك من نقع سايل=يقضي على صم العروق الشديده ومحصولها مثل الرجال المخايل=أهل العقول الخاملة والبليده وياهاجسي خل المثل والمثايل=وهاك العلوم الصاملة والأكيده من لا حسب وقت العلوم الصمايل=لو طاب له مد العرب مايفيده وإحذر توسَّم في عديم الدلايل=وتضيع مع كثر الوسوم الجديده اليوم قلَّوْا من يبون الجمايل=والوقت ماهو مثل ما أنت تريده خلك كما قالوا خفيف الشمايل=أخذ المواجه وأترك اللي بعيده مادام راحت من عيال الحمايل=ماجات مع حامد ولا مع حميده |
صح لسانك وسلم بنانك
قصيدة رائعه بروعة حضورك لك تقديري |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
صح لسانك
وبيض الله وجهك رائعة بروعة كاتبها لك مني خالص الود والتقدير العبيدي.!! |
مادام راحت من عيـال الحمايـل ماجات مع حامد ولا مع حميـدة الله عليك أخوي الفاضل والشاعر لافي كتبت وبدعت صح لسانك قصيدة جميلة حسب موضوعها دمت في وجودك طال عمرك تقبل تقديري وأحترامي لشخصك الكريم |
اقتباس:
فيصل حمود الوافي ، صح بدنك ، والروعة حضورك الله يحفظك |
اقتباس:
الحب الباقي ، الله يعافيك ، ووجهك أبيض |
اقتباس:
صح بدنك ووجهك أبيض ، والروعة وجودك هنا |
اقتباس:
محمدعبدالكريم ، الروعة أن أجد مثلك وشرواك هنا ، صح بدنك ولا هنت ، ودام عزك |
صح لسانك وماقصرت00000000
|
الساعة الآن 08:24 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir