بيض الله وجه ابو متعب= يوم برّد وجه عذّاله
قال: إسمع بالإذن و اكتب=بعضكم ف ارض الله حثاله
احد يتشدَّق و هو يكذب= و احد صاير بالبلد عاله
و احد في ابلاج العدو يلعب= راسماله تحت سرواله
أجربٍ ما يعرف الا اجرب= و جاعلٍ له قيمه و هاله
كل ما سمع الجرس يطرب= من جحر شارون و أشباله
ثم يعمل لي ولد يَعْرُبْ= و هو مسخٍ للعدو آله
و بعضكم ساذج و اكل مقلب=حجِّزه "عم سام" بامواله
و بعضكم للفرس جا مكسب= للملالي صار مغواله
و دام كلٍّ بالبلد مذنب= كل واحد يلبس نعاله
ادخلوا علي بالمكتب = و اسمعوا من ميَّل عقاله
إعقلوا و الا ترى بضرب= كل من لا يحترم حاله
لا تصيروا اضحوكةٍ للغرب=اصلحوا مع بعض ذا اللاله
قالوا ابشر يا أبو متعب= والدٍ يامر على عياله

وافيه وافيه وافيه يالصييفي ومن وافي
صح السانك والله يعز مقدارك
والله يعز ملكنا وينصره ويجعل التحرير على يده
هذا الضمير الحي وهذا الرمز الحقيقي للاقوال والافعال
ماهو كما المتصنعين.
مال الامور العضام ألا العضام من الرجال
عزالله انه ماقصر ابو متعب
هز الارض هز الارض
كلنافدى للدين ثم للوطن ثم للملك
لاهنت يالصييفي

المشاركة الأصلية كتبت بواسطة سعد بن نفاع الجابري (المشاركة 433397) صح لسانك أخي الصيفي وتسلم على هذه القصيدة الرائعة من شخص أروع ويستأهل أبو متعب المدح والشكر والتقدير دمت بخير وعافية

المشاركة الأصلية كتبت بواسطة الراعي والذيب (المشاركة 433456) صح لسانك وعلا شانك .. كلمات رووووووووعة .. دمت ودام إبداعك

المشاركة الأصلية كتبت بواسطة الحب الباقي (المشاركة 433468) صح لسانك مليون على القصيده والله يـعـطـيـك الـعـافيـــــــــــة بيض الله وجهك