مديت فال الشاذلية من الرأس=لا تلطم الفنجال لو هي ثقيلة
الكأس ماهو مر المر في الكأس=ومن لايقدِّر مرها لا يشيله
حنا الحروب نقدم الطيب بقياس=وكلٍ على جسمه يفصل شليله
مشرافنا المرقاب لانس نسناس=وهبوبنا تقدح برأس المخيلة
شيَّالة اللي في الملازيم مقباس=والبارق اللي منتحي مانخيلة
إليا رمقنا جاهل نقول لاباس=معذور ماله في المطاليق حيلة
وإن جرت العقال لاحك الأضراس=مايرضي الرجال منَّا القليلة
عزاه يا بيتٍ تعلَّى بلا ساس=وعزيز يا بيتٍ يذري قبيلَة
منه جلس تحت الرجاجيل ينداس=ومنه تخطا مارقى للطويلة
راع الخسارة من يشفه بقرطاس=لافاد جلابه ولا أغنى وكيله
وجزل الكلام اللي تغنَّى به الناس=ما يجيبه الا كود راع الجزيلة
العفو عند المقدرة قيل نوماس=ورجلٍ بلا نوماس نخلي سبيلة
ألا ليا منه بدأ دق الأجراس=كل يحدد موقفه من عميله
هذا كلام اللي مجرب وحساس=وقلب البنادم قبل قالوا دليله

المشاركة الأصلية كتبت بواسطة عيسى العوفي (المشاركة 432743) العفو عند المقدرة قيل نومـاس ورجلٍ بلا نوماس نخلي سبيلـة الله الله صح لسانك يامبدع يامبدع رائعه جدااااااااااا جداااااااااا

المشاركة الأصلية كتبت بواسطة أبوليلى (المشاركة 432783) صح لسانك ملاييييييييييييييين شاعر جزل اطرب لقصائدك لك تقديري

المشاركة الأصلية كتبت بواسطة الحب الباقي (المشاركة 432845) صح لسانك مليون على القصيده والله يـعـطـيـك الـعـافيـــــــــــة بيض الله وجهك