.
.
.

لولا الضلوع المهدفات المحاديب = خطر(ن) على قلبي يخلي محله
ذكّر علي فجوج جرد(ن) مجاديب= يوم العمر ياسعود في مستهله
وقت (ن) مضى دونه عوا ضاري الذيب= اللي ضلوعه بالصدى جاوبله
عنا تنحا راح ماله مقاضيب = اقفت عليه ايامها والاهله
ياما جلسنا حول ذيك الجراجيب = دون الهضاب اللي صبا شارفله
جلست نشاما بنهم فايح الطيب = وبن اليماني بالبغاديد زله
بين الضماير مامشى الشك والريب = اصفى من اللي رايح الديم عله
شغم العيال اللي قلايل عذاريب = مافيهم اللي بالمخاوى تمله
ياسعود عنّيت القوافي مناجيب = اللي هجوسي ساقها وطاوعله
وجده على ماضيه ولا له مطاليب = غيره ولا له فيه دقه وجله
لك السلام ومقدمين المواجيب = رد السلام للي تواجه وقله
تطلع علينا الشمس كل يوم وتغيب = غير الدوام ووض وقتك وصله!