ياسلام الله سلام خط للربع القروم =ودنا سالم يجاوبنا يقلق في اللزوم
ثم يطلع بالسماء مثل مطاليع النجوم=يلعب الموال والدنيا كفي الله شرها

سلام الله علا من هنا للنت حظار=سلام للرجال الكرام اهل الجزيله
ياسالم وينك اليوم نبغي منك الاخبار=علوم الربع با خص وعلوم القبيله

ياهلا بك بالنيابه عن اهل المنتدى = وانت عارف دون ميقافي اقف وحدى
ماني محتاج لتوصيه لكن فدى = العب الموال والدنيا كف الله شرها

هلا يامرحبا بالنيابه سر وجهار = عدد مايبرق البرق في متن المخيله
انا موجود على يمينك ماني يسار = وابا اقهويك فنجال متعوبآ بهيله

والله اني بالديار الفسيحه والزحام = كل ما جاء الفرض حطوني الشجعان امام
وانت لا تظلم رفيقك ترى ظلمه حرام = العب الموال والشيله العبها وراه

كذا وإلا كذا نار تالع جنبها نار = من اللي وده يسابق بهجنه وخيله
ترى هذي ديرنا وذيك ايضا لنا ديار= ولكن سج رجلك ترى الطرقه طويله

ياطويل العمر نبغى لنا علمآ جديد = ودنا من بعد جينا نفيد ونستفيد
وانت تعرف ما يفل الحديد إلا الحديد = العب الموال والشيله العبها وراه

على القوة تولم وانا ماني محتار = لك الله للحق النار لراس الفتيله
وترى ما يرتكي للثقيله غير سنجار = ياراع الطبخه اللي عليها زنجبيله