ملتقى قبيلة حرب الرسمي - لو إنك من بني زهران أنا ممنون وأنت تمون

ملتقى قبيلة حرب الرسمي (http://www.m-harb.net/vb/index.php)

- مــلــتــقــى الــقــوافــي (http://www.m-harb.net/vb/forumdisplay.php?f=8)

- - لو إنك من بني زهران أنا ممنون وأنت تمون (http://www.m-harb.net/vb/showthread.php?t=36956)

لو إنك من بني زهران أنا ممنون وأنت تمون

http://s1h1up.com//thumbs/f3bf18a4da.jpg

هذه القصيدة رد ثناء للأخ/ عبدالله بن هريش الزهراني

سلام الله ياعبدالله من الحربي يالزهراني = ولابعد السلام الا الكلام الطيب الموزون
علي الله وأمان لعدك من حدا خواني = لو إنك من بني زهران أنا ممنون وأنت تمون
ترى كلمة نعم تبغى فعل ماهيب مجاني = وأنا مجحد جميل اللي تجمل بي مهما يكون
لكن تكفى ياعبدالله بموضوعي لاتنساني = وأنا والله لغنيبك ثناء لين العرب يدرون
وأنا ماني لحالي بالظروف اللي تحداني = ياكثر اللي يحطون ويشيلون الهموم طنون
وياكثر اللي يعاني من ظروفه مثل ماعاني = لكن باللي مثل شرواك صعبات الحلول تهون
وأنا مؤمن بصدقاني ولاأمن شر عدواني = مثل مالي عيون أكيد لعدايه علي عيون
الا يالله بكل أسماك تمني وتحماني = وتنهاني وتأمرني على سبل الهدا المأمون

الله الله

أبو فهد تغيب عنا أيام .. و لكن عندما تعود تعود لنا بالدرر الجميلة التي لانستغربها من شاعر مثل و شرواك ..

صح لسانك و بيض الله وجهك .. و يستاهل الممدوح

الشاعر القدير زيد بن مبشر الحصني

بيض الله وجهك وصح لسانك

ابدااااع كبار

ورد الثناء من سمات المعدن الطيب

ودليل على طيب معدنك

بارك الله فيك

ونعم بالطيبين وين مايكونون ومن من يكونون

تقبل اجمل التحايا

ودمت بخير

صح لسانك يابو فهد

ومن لاأثنا على الخلق ماأثنا على الخالق

واللي يفعل الطيب يستاهل رد الثناء

الشاعر القدير زيد بن مبشر الحصني

بيض الله وجهك وصح لسانك على الأبداع الغير مستغرب عليك

ورد الثناء من سمات الرجااااااااااااااااال
ودليل على طيب معدنك

والطيبيين يستاهلون

بيض الله وجهك وصح لسانك


	صح لسانك مليون على القصيده والله يـعـطـيـك الـعـافيـــــــــــة بيض الله وجهك