ياسلام الله على الشعار واللي حاضرينا=عد ما رفرف جناح الطير يوم يطيرعالي
ودي الليله بشاعر ماهو مثل الفايتينا=شاعرٍٍ صدره وسيع ولاهو سريع اشتعالي

مرحبا بك يالسليمي عد مارحنا وجينا = في جنوب الارض تاتيك والا بالشمالي
كان قدمت العلوم اللي تسر الناظرينا = فأعلم ان السوق يزهاها ويزها كل غالي

البقا بك يارفيع المستوى في كل حينا=عد مالاحت بروق الحيا في وسط الخيالي
ما تجيك الا العلوم اللي لها جنب متينا=مير خلك معي صابر لا تخليني لحالي

استلم مني علوم(ن) تودع القاسي يلينا= قلتها وقولها واسوقها سوق الجمالي
كان حصلت الضعوف اللي تلد العين فينا =قلهم حنا الحروب اللي نعديها العوالي

يارفيع المستوى كلن بما قدم رهينا=وانت لاهي في حياتك ماتحسب للتوالي
مير وش تقول باللي بيح الحقد الدفينا= فالاذاعه ذاع له علمٍ مسبب للجدالي

ماشين دربن عدال(ن) لايسار ولا يمينا= ومن مشاء ممشاي يصبح في البشر رجل(ن) مثالي
انت كان انك سواتي صاحب العقل الرزينا= ماتهمك همسةٍ فيها تحيل واحتيالي