الصييفي=
مرحبا بالشاعر اللّي حضر ما غابي = شاعر(ن) يحسب لممساه قبل يقيّل
يا علي قوة ردودك تزيد اعجابـي = ودّي آخذ معك طاروق، يبن هليّـل
علي هليل الحربي=
والبقى بك يا عميلٍ حسبت حسابي =لو رصيدي في بنوك القصيد قليَـل
مصدر الإعجاب ياالآخراضحك نابي= والقليب المصفيَه ما تبـل الثيِـل
الصييفي=
التواضع في الرجل يا علي ما عابي=و من يشوف النوّ مقبل يقوم يخيِّل
و من مدح نفسه يقولون ذا كذّابـي= و لو أخذ جايِزْةْ "نوبل" سواة "زْوَيِّل
علي هليل الحربي=
النخيل الباسقـه ظلهـا منسابـي = وانت عندي وارف الظلَ مانت ظليَل
لو فلاسفة الأمم تقنـع الارهابـي= مااقتنع في عاقل المره الا عقيـل
الصييفي=
يا علي فزعتك للصاحب المنصابـي = صابه السهم الموجّه من ام جديِّـل
ودي آخذ حصتي مثل بـاق اترابـي = بس حظِّي في الهوا خامل(ن) و منيِّل
علي هليل الحربي=
مانته اول من شكى وآخر الاحبابي = حط رمحه في ضميري وعني ميَل
الهوى يا صاحبي يسلب الالبابـي = كد شكاه سويلم وعذب ابن سبيَـل
الصييفي=
كنت ابي الفزعة، و جاني بدلها عتاب(ي)= يا علي أنته حكيم(ن) و لا أنتـب عيِّـل
قلت يمكن من تجاربك تفتـح بـاب(ي) =هقوتي بك بالمعـارك فطيـن، و حيِّـل
علي هليل الحربي=
انت تاجر مير, ودك تصيرمرابي= تبدع احلى الكلام وفالاخير تذيًل
لو نزعلك, قمت تفتَل الاشنابـي =اثر قلبك من الحصني يصير متيَل
الصييفي=
التجارة للهوامير مـن أتعابـي= و الربى تاركه للشيخ أمين جميِّل
الزعل مرفوع والزوربة تنعابـي=و الثعل لو راغ، باقي عليه كميِّل
علي هليل الحربي=
كل من حطله سهمين قام يبابـي = ماعلى شعرة الميزان كود تكيَـل
حربتي ما اسنها غيـر للاجنابـي = لاالحصيَل حصيل ولاالحصيل حصيَل
الصييفي=
المؤسس و المساهم، سهمهم هابي = ضاع فيه اخوان وضحى و نسل دليِّل
الوتر لا تعزفه، و اطلـع المرقابـي = و انتبه للرّش، بعضه تـراه يسيِّـل
علي هليل الحربي=
انت وش بك ما تذم, الا باسود الغابي =عينك بوضح النهار وضامرك متليَل
الوكاد انك طعام الضرس ولاَ النابـي =لو ما قلته باللسان, بقلبك المتويَـل
الصييفي=
شاب بيت الملعبة يا علي بكتابي =ما بقى الا كل بيت(ن) بناه هزيِّل
إستفدت من الملاعب مع أنسابي= يوم أنا ربّي رماني بغزو هليِّـل

الاخ حرب القوم

بيض الله وجهك

نقل رائع

وصح الله السنت الشاعرين علي هليل الحربي والصييفي

ويعطيك العافيه

تقبل تحياتي