لاهنت ياشيخ (ن) على هون دعواي= ماقلت وش لي يوم اروح بثرها
يوم اسنحتلك كنت بخصوصها جاي =في غيبت اللي ماعلومك حضرها
من نادر يومي على الفزعه اوماي= شبل الياجت حاجتي ماخصرها
وافرك والدنيا لها اقبال وقفاي= الله ايكافينا بلاوي خطرها
ولا الخلايق رزقها عند مولاى = اللي كفل حوت البحر في بحرها
ماهي غريبه يابعد كل وناي = انتم هل الفزعات من ذيك ورها
يابن الشيوخ اهل التماجيد الاكفاي= اللي اتنومس بالفخر من ذكرها
لايا حفيد اللي لياهد شفاي=كم سربت يوم الملاقى كسرها
على اسروج اموردة كل جراي= كم فارس كد حوله عن ضهراها
يشهد له التاريخ ماهو بخفاي= وفجوج نجد اللي اوساع قطرها
وبوك يافرز الوغى منهل الراي= ومن الحموه مايعنف جبرها
ومن الرجوله والتقى والترواي=جزل الوهايب مايراجي ثمرها
ولاروحت مابين بايع وشراي= لادنق اللي بالجنيه ايحكرها
وانا استبيحك عذر ماتدمح اخطاي= عن سيرة ياهقوتي ماحصرها
امجادكم يتعبها كل قراي = وانا احمد الله عزوتي واخبرها
والشرهه اللي وقعت ..يم ملفاي = انضر وعود الناس ولا اعذرها