سلام للي لهم نبراس = فالقيل وتحكم على اخباره
من بعد حكت سلوك الماس =قلبي اشتغل واشعل انواره

يا مرحبا براقي الاحساس = و الحر ما تنطفي ناره
روّح و قيس الهوى بقياس = قدام تنشب مع أخطاره

عسا البقا ياجويد الساس=وروض الهنا تقطف ازهاره
أنا حويت الهوى بنوماس=ولا أنت ماتعرف اسراره

لو كنت عالم بدرب الماس = ما جيت تشكي لنا عياره
قبلك لعبنا و أخذنا الكاس = بقياس ما نخلف أمتاره

فقير مثلك ودايم باس =ويوم السعد فاتك اقطاره
صافي وسامي عن الأدناس= زايد على الماس واحجاره

ما يوم قلبي شكى الافلاس = و محال يعلن عن اشهاره
ما دام نبضه على مقياس = ما تعتلي نبرة انذاره

ياليت تصفى لك الأنفاس= ويوم الفرح تعزف اوتاره
من عرق جدك عصبة الراس=وفواز ينشد لك أشعاره

مالي غنا يا أعز الناس = مثلك من الطيب و أخياره
وافي و لك بالوفا قرطاس = مكتوب باسمك في مضماره
من بعد ما رنت الأجراس = هيّا استمع آخر اصداره
ما ينغرق في الهوى غطاس = و الحر يفهم من الشاره