فلاح=
هلا يامرحبا بحلال حرب اهل الكرم والجود=رجال يحفظ التاريـخ حاضرهـا وماضيهـا
ولا ننسى رجال سليم عزوة(ن) ماعليهم زود=يمثلهـم عطـاوي ياخـذ الزينـه ويعطيهـا
العطاوي=
عساكم للبقا ياهل المواقف والنقا مـردود=رياجيل المواقف بالعرب تعرف باساميها
عسى ربي يعز المملكه والحاكم بن سعود=وحنى جند دون المملكـه للـي يعاديهـا
فلاح=
الا يامكبر الصفره لكن الموت بالعبـرود=لكنك لاتناساهـا مـادام ان البـلا فيهـا
وانا واحد من السبعه اميز نقصها والزود=وبندقك الكريمـه لاتضيعهـا مراميهـا
العطاوي=
ترى يمناك ماهي سالمه من سيفي المجرود=يمناك العطيبـه اللـي ترفعهـا وترخيهـا
ترى بيت الكرم دافي ترى عد الروى مارود=وزمل البدو تال الوقت يامكثـر مضاميهـا
فلاح=
اليا قابلتني بالسيف تبشر بالشهب البارود=وحنا من رجال ماتغير عـن مراكيهـا
لك الله يامحمد ماتعدى حدك المحـدود=وان ضاعت عليك الطيبه ربك يسويهـا
العطاوي=
تراكيتم ورقدتم واقول ان الرقود رقـود=وواحد فتح عيونه وحاميهـا حراميهـا
ترى نار الصريفه ضعيفه ماتجود العبود=على كيفك تولعها على كيفـك تطفيهـا
فلاح=
اليا وصلت يا ابوفيصل تشب النار قدح زنود=لكنـك لاتعديهـا الحـدود وتبتلـش فيـهـا
اليا دارت رحاها كل ماضي ياسليـم يعـود=------------------------------------
العطاوي=
انا ربي عطاني قوه تشبه هبوب النود=وفيه عيون اضحكها وعيون ابكيهـا