سلامي سلام رجال وافي ومضمون=يسر الرجال ويحتمـي كـل هيـه
والا يافلاح اوحيت لي عود مجنون=يذم الصواب ولا يعـرف الخطيـه
هلا مرحبا ترحيب يمشي على الهون=نيابه عن رجـال الوفـا والحميـه
احفظ مايخصك واترك اللي يقولون=ماكل العلوم صحاح ميه فـي ميـه
تـدور علـى المليـون مافيـه ملـيـون=ولا بـاقـي الا تطـلـبـون الـهـديـه
---------------------------=ولا عـاد لـه عنـد الـعـرب قابلـيـه
لعبتوا مباراه وصرتوا اليوم تبكون=ولكن استريحوا في هذيـك القريـه
عساكم من اوضاع العرب تستفيدون=ولاتتبع الحسنـه بعشريـن سيـه
يقولون فاز فـلان وفـلان مديـون=وانا اظـن مالـه كثيـر ولا بليـه
لقيت الطايق عشر في جوف الكرتون=ومـن جابهـا مجهـول الهـويـه
تبا تتبع اهل العرف وبليس ملعون=وهذي نصيحه للخوي من خويـه
يطب البلد نوعين صاحي ومجنون=وكلا في هذا الوقت يلقـى سميـه
تغنـون ولا ياعـرب ماتغـنـون=اقول النتيجه نصبـة(ن) عالميـه
ترى نخل بيشه مابقي غير عرجون=هبـت عليـه الحالـه مصافقيـه
اليا طال عمرك باقي الرزق مضمون=اشردك من جـده لـراس الحويـه
وياكلك عود في البلد مالـه سنـون=وهذي خواتـم مـن يقـود السريـه
تميلح وانا خابـرك منتـه بمزيـون=ولا يضبط الاخراج صـوره رديـه
وانا اقول جعل العود يضربك بالشون=ويكسـر عظمـك صبـح وعشيـه
الا ياعرب تبنون ولا تهدون=ترى الخير له نيه وللشر نيه