ملتقى قبيلة حرب الرسمي - محاورة ساخنة بين / عبدالرحمن السمين و نايف العتيبي

هذه المحاورة أعجبتني و نقلتها لكم من أحد المنتديات المجاورة

يا سلام الله سلامٍ رمعتـه محسوبـه= والسوالف ما تجوز إلا على البرهاني
والله انًا خابرين ٍ كل جسـم وثوبـه= مير يا راع البضاعه قفـل الدكانـي
الزمان اللي علينا يقربون حروبـه=مرحبا به عنّي وعن ربعي العتباني
والربيع اللي على خيره كثر دبدوبه=مايلام شعيل لو صدّر منه قنعانـي
والله أنًا يا عتيبـه للكثيـر أعقوبـه= مير لا ترقص ليا دندن لك الشيبانـي
الربيع أقفى يا نايف والليال أعجوبـه =وأن غلبك الأمر لا تهرج بدون لساني
والله إنّ الأجودي لـو ماتليـن جنوبـه=يرقص ليا أوحى حجاب وغزّه الشيطاني
الله الله ياالعميـل اللـي هـذاه إسلوبـه=كاتبٍ فديانتـه مسلـم وهـو نصرانـي
نايف الله يقلعـه لونـي بفـك جيوبـه= كان بحصل خلف من جملـة الشرطانـي
لا تقوله كـل مخلـوقٍ معـه عذروبـه= وأنت صل الفرض وش يشقيك بالعرباني
إيه إبن هذال أحفظ أشرطته ومكتوبـه=خصّ يوم أسمى قبيلة حرب بإسمٍ ثاني
العرب تال الزمـان قلوبهـم مقلوبـه=ماش مجني والمصيبه يذكرون الجاني
كل أبوكم عند ديس الناقه المحلوبه =ولا علينا من خثارق شلة جهيماني
وش نسوي في عميلٍ دلته مربوبه= كفه أعوج والبلا فلسانه المجانـي
إقبلوا دخان نار عتابـه المشبوبـه=وإزبنوا فاالقنفذه والا مع القصماني
البلا فااللي يعزم ودلّته مشروبـه=صار بين الناس كنّه خاتم سليماني
ما خبرنا فالدفينه حاجـة مرغوبـه=كل ما ننطح عتيبي يركز السيقانـي
البلا فاللي يحكحك فالخـلا عرقوبـه= مير يا فرعون ما تمشي على هاماني
مسفره خلّت حريبلّـه تقـول التوبـه=عقب طاحوا دونها الفرسان والشيخاني
لحية الفرم المسمّى في نفي متروبـه=ماسمحتوا لين وصلت نتفة الأدقانـي
مسفره جتكم تصيح وروحت مركوبـه =بعد جاها العبد واركبها على الذرعاني
تركي بن حميد ربعي قول وش سووبه =عقب شقو بيته وبنته مـع الخليانـي
ذمّةٍ فيها سعـه وهروجهـا مكذوبـه=ليش أجاريها وأخرّب ذمّتي وإيمانـي
تركي بن حميد ساتركـم ذراه وثوبـه=ما أنته بخصمه لو إنّك تطمر الجرفاني