سلام يا دار الحوافـا ياهل العـزّ التليـد=
يا ربوع المجـد يا جـود الغمام وفيض ماها=
النجبه تشهـد لكم بالطيب والصيـت الفريد=
والمدينـة يشهد شـهاب الحوافا في سـماها=
ما يعلّي قدر قافٍ شـدّ لأطنابه قصيـد=
غير ذكر أهل المواجب لا صدح صوت وطراها=
يا سـلام الله سـلامٍ باسـم خــّلاق العبيـد=
ياصل النّشمي بداره والتحيـة في نباها=
يالحويفـي سقـت بالعليا من المجد المجيـد=
لين صار المجـد وسمٍ باسمك وفعلك علاها=
والله ونعم المعزّب والله وكفـو العضيـد=
بالمـكارم والمراجـل افتخـر بك وآتباها=
يا أميـر العزّ يامن للفخـر شيـخٍ وسِيد=
يا هبـوب الخيـر يا كهم الشدايد يا دواها=
معتصم لا من نخيت وللعدا ابن الوليد=
تشهد البيدا بفعله وارضهـا ياكم سقـاها=
وربعه أسياد الشهامه هم هل الرآي السديـد=
هم قناديل الجزاله والكرامه هم ضياها=
من ربوع الجوف جينا للحفل شـوقٍٍٍ شديـد=
نقطع دروب المسـافه والغلا قصّــر مداها=
ويا هلا بجمع القبيله يا هلا واليوم عيـد=
ويا هلا باللي يلبـّي دعـوة النشمي وجاها=
بإسم ابن زارع من أكبر رجلهم لأصغر وليـد=
أبعث الشكر الجزيل لمنهو يستاهل ثناها=
واعذروا شاعر مقصّـر بالقوافي لو يزيـد=
ما وفا حقّ الحوافا لوّوه بشعره قـراها=
ولابتي حرب الشجاعة شجرة الضلّ المديـد=
لأجلها سقت القوافي ترتوي من حوض ماها=
تمت وصلوا على أحمد شافع ٍ وأعظم شهيد=
النبي المصطـفى اللـي للبشـر بين هداها=