سلام يدفعه الوفا والتنوماس = سلام ياشيوخ الوفا والكياسه
سلام يا جمعٍ على الطيب له ساس = العز والنوماس والمجد ساسه
ازكى من انفاس الخزاما با الاطعاس= واحلا من الدر المزبد بطاسه
يثنى على هليل ويسمع عبر واس = والفارسي ويعم ربعه وناسه
الفارسي وهليل امعيض نبراس = كان الوفا له لبس فا انتم لباسه
يحسبلكم جمعٍ القبيله وينقاس = منكم وفا الوافين يعرف قياسه
لطيب ناس ولردى ينوجد ناس= وكل لقا مع صنف جنسه وناسه
والناس كل له نظر عين وحساس= ومن غر من شوفه يدله حساسه
يا ناضم الالماس مطلوب الالماس= نضمٍ مطعم لولويه بماسه
وقليله في حق متعبت الافراس = الي لهم مع كل فجا فراسه
ياقلت حربي ترتفع هامت الراس= كني على كرسي زعيم الرياسه
ليه مع التاريخ منزل ومجلاس= المجد قسم لي سنامه وراسه
ابكل علمٍ يرفع الراس لي كاس= الطيب والنوماس فايز بكاسه
امثبتينه يوم حبسات الانفاس = يومنهابا الفعل ماهي سياسه
بيضٍ توارث ذكرها بين الاوناس= تجلى عن الراس المعومس عماسه
يوم المعيشه بين غازي وعساس = كم طامعٍ عود طوى البين ياسه
تضرب بنا المثال في قوت الباس = حرب الدول حنا مقابيس باسه
وياعدة الافعال واندقت اجراس= عن حرب يتعب كل راعي دراسه
للقول هوجاسٍ ولشعر هوجاس= والفخر في ربعي يزيد الحماسه
والطيب كل ماخذ معه مرواس= كل القبايل فارسينه فراسه
ومن قال انا الطيب ولا مثلي اجناس= مفلس ومعلن في كلامه افلاسه

المشاركة الأصلية كتبت بواسطة جريح الفرقا (المشاركة 349225) صح السانك خالد وبيض الله وجهك قصيده جزله من شاعر جزل وكل مايقدم للقبيله قليل والممدوحين يستاهلون ماقصرت عافاك الله

المشاركة الأصلية كتبت بواسطة نايف الحبلاني (المشاركة 349255) والطيب كل ماخـذ معـه مـرواس كـل القبايـل فارسينـه فـراسـه ومن قال انا الطيب ولا مثلي اجناس مفلس ومعلن فـي كلامـه افلاسـه . هنا الخبره والذهانه . صح لسانك ياخالد وعساك على القوه .....

وقليلةٍٍ في حق متعبت الافراس=اللي لهم مع كل فجا فراسه
ياقلت حربي ترتفع هامة الراس=كني على كرسي زعيم الرياسه