|
لـــــــذة النـــــوم
قصيدة قديمه من الارشيف
ومصافحه بعد الغياب اتمنى ان تنال على رضاء الجميع
ياليت حلو النـوم تهنابـه العيـن=مير البلا عافـت لذيـذ المنامـي متى تجيني حـزه النـوم وتحيـن=ويرتاح بالي مـن كثيـر القيامـي وكثر السهر عذب عيوني له سنين=ولعب بحالي لعـب حـر بحمامـي وصارت حياتي كلبوها بـلا زيـن=وبين الشقا والياس قلبي حطامـي تعبت ادور فرحتي والهنـا ويـن=والمشكله حظي مسك في زمامـي ليته ترفق يومـه اسقانـي البيـن=مـازود القلـب المعنَـى ملامـي وإلا رفعني فوق وكـر الشياهيـن=وإلا وقف وقفة رفيـقٍ عصامـي وش حيلتي لاصار بالقلب هميـن=هم الحياه وهـم حـب وغرامـي دنياي تطلبني ولها بذمتـي ديـن=وصعبه اوفـي دينهـا بالكلامـي وخلٍ معاهدني على الزين والشين=بعـده يزودنـي جنـون وهيامـي ودي بقربه لكـن الوقـت حاديـن=ياقوهـا لاشفـت خلـي امـامـي من دونه الايـام تتعـب وتشقيـن=وقربه يداوي قلب بالحيـل ظامـي ومن هو يلوم اللي تلهـف لغاليـن=مثلي من العربـان ماهـو يلامـي لاشك ذقت المر والصاع صاعيـن=وذقت العناء وجروح قلبي سقامـي ومن لامني عساه يطعـن بسكيـن=بين الحنايـا دمـه اليـوم حامـي ومتوكلٍ باللي خلقنا مـن الطيـن=ربٍ كفـل بأرزاقـنـا بالتمـامـي واكرمنا عن خلقه من الناس ثنتين=نبينا محمـد وشـرع الاسلامـي ولاصرت بين الناس بالحيل مسكين=الديـن يجعلـك كبيـر المقـامـي ويالله ترزقني انـا بكثـرة الديـن=وترزقني يارحمن مجمل احلامـي ومتى تجيني حزه النـوم وتحيـن=وارتاح لو لحظه بحلـو المنامـي |
ومن هو يلوم اللي تلهف لغاليـن=مثلي من العربـان ماهـو يلامـي
الله يلوم اللي يلومك يااااخوي ابدا انا مالومك فراااق الاحباااب شين صح لساااانك وحيااااك الله يالطريسي بوجودك آنارت المتقى تحيااااتي لك |
اخوي فارس الطريسي صح لسانك على هذه القصيده ... وبيض الله وجهك لك كل الود والتقدير |
ومن هو يلوم اللي تلهف لغاليـن= مثلي من العربـان ماهـو يلامـي
لاشك ذقت المر والصاع صاعيـن= وذقت العناء وجروح قلبي سقامي ومن لامني عساه يطعـن بسكيـن = بين الحنايا دمـه اليـوم حامـي اخي الشاعر فارس الطريسي صح لسانك وبيض الله وجهك على هذه الابيات الجزلة والمعبرة وتقبل كل التحايا |
اقتباس:
وشكرا لمرورك العطر |
ومن هو يلوم اللي تلهـف لغاليـن && مثلي من العربـان ماهـو يلامـي
لاشك ذقت المر والصاع صاعيـن && وذقت العناء وجروح قلبي سقامـي " الله ... الله " صــح لســانك وأعتــلا شــانك أبن العم / فـارس الطريسي تميـــز وأبــداع بلا حــدود سجل أعجابي بهذه الرائعه وربي يوفقك ،،، أخوك/ بندر الزارع الزغيبي |
الشاعر فارس
صح السانك وبيض الله وجهك قصيده جزله الله لايهينك |
اقتباس:
وصح بدنك وشكرا لمرورك العطر ياغالي |
قصيده وافيه ومن راس وافي
لاهنت ولاهان هذا الحضور تقبل تحيتي |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداعك وحيد الجزيرة |
الساعة الآن 05:04 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir