يالثبيتي تعديت كل الحدود.واخر الليل ضيعت نجم الجدي=لين عذبت نفسك وعذبتني لين عذبت نفسك وعذبتنب
الثبيتي مع الوقت دايم يزود.مايحب الردى والرفيق الردي=مغتني عن جميع العرب مغتني ,مغتني عن جميع العرب مغتني
ماابلش الناس في الهوش غير الشرود.كل ما قلتله روح جاك يعدي=لايجود لسانه ولايفتني, لايجود لسانه ولايفتني
يوم شبت وراحت لقدح الزنود.احد يحتر منها واحد يبردي=وانت ياقوس من بعدها منثني, وانت ياقوس من بعدها منثني
ربناالله والله خير امعبود.ماعلينا من التايه المعتدي=ضلع راسي لايخضع ولاينحني,ضلع راسي لايخضع ولاينحني
السحيمي بصوته يصحي الرقود.مير ماهو بسيدي ولاسيدي=كل ماجابله سالفه غثني ,كل ماجابله سالفه غثني
ان بغيت السنع روح واصحى تعود.وان بغيت العصا ذوقها من يدي=ماتجيك الليالي بما تمتني, ماتجيك الليالي بما تمتني
صيحي فوق راس الجبل ياقرود.ماتعرفين سري ولامقصدي =يوم بيت المعزة بنيته بني , يوم بيت المعزة بنيته بني

المشاركة الأصلية كتبت بواسطة تركي الشاماني (المشاركة 328233) الله واكبر رحم الله شاعر الخليج صياف الحربي واشهد بالله انه اسطوره لن تتكرر ورحم الله شاعر عتيبه مطلق الثبيتي ولاهنت ياحميدان

المشاركة الأصلية كتبت بواسطة سالم (المشاركة 328238) فعلاً كان للمحاورة فن وذوووووق الله يرحمهم وشكرا لك على اختيارك الرائع