الله لا يجزاك بالخير من جد=وشلون قلبي يالغلا تستبيحه
توعد وتوعد مار ما توفي الوعد=واليا نصحتك ما تحفظ النصيحه
في غيبتك مافيه مخلوق بيسد =وفي حضرتك تشفى القلوب الجريحه
حبيت لك بجنون والحيل منهد=وزود الغلا غرك وشكلك سطيحه
ما تدري ان الحب ما يقبل الصد=والنفس طابت والنوايـا صريحـه
ولولا الدفاء محد ٍ عرف شدة البرد=والسر لاهل العشق ما اقدر ابيحه
ولاني على مثلك وشرواك منحد=مادام نفسك في وصالي شحيحه
وش حاجة الجوال لن كان ماترد=حرام يعطونك جهاز وشريحه