سلام الله سلام قبل مبدأ الجوله نقوله = على اللي حاضرين الملتقى في كل الاوطاني
عسى ربي يجيب الشاعر اللي يحتمي قوله = الى عتم سواد الليل مثل الذيب سرحاني

هلا يا مرحبا با الشاعر الي وصل مرسوله= على الميدان حاضر وانت حضر يا حميداني
ترا ربك كريم وجابلك من قوله ايطوله = بعتم اليل والا با الضحى قدام الاعياني

هلا باللي تحوش المرجله يمناه وتنوله = من الحصنان راس المرجله وطوال الايماني
هل الميقاف والمحراف يوم الهجن وخيوله = مواقفهم كثيره بالكرم والحرب والعاني

يدوم ابك البقا يا الشاعر اسماعيل والجوله = تبين طيبها مع ماتقوله يا كحيلاني
تقدم واطرح الحايل لها السكين مسلوله = نبا سبل الشحم يدهن يمينك يا بليهاني

على سهيل اليماني قمت اخيل المزن وثعوله= عسى الله يرحم اللي خلص المجني من الجاني
وكاد النفس عن قول الخطاء والزور مسئوله = حرام الفارس الاول يصير بمركز الثاني

نفوسٍ غرها زومة هواها وهي معلوله = تقول ان القديمي شكلها يشبه لشاماني
ولا غر العرب خبل الفريق وكبر شملوله= وكلام الزور يسقط يا طلبنا منه برهاني

انا ماني بناشد حضرة الفوال عن فوله = ولاعندي عصى موسى ولاخاتم سليماني
ترى اللي يحرج العقال ميل الوقت وخبوله = وعسى ربي يعز اللي يزود بكل ميداني

كبيرة مار لو كبرت مع العقال محلوله = نبا جمع العرب ما يفرقه واشي وفتاني
وقفنا والسيوف اتشيلهن ايدين مفتوله = وطار من الشجر عصفور ماهو طير حوراني

تراها تسري اللي مفلته ماهي بمعقوله = ولابه ياوسيع العرف نار بدون دخاني
وانا ماذم رجالٍ خذاله جوله وصوله = وله منزال فوق الراس واعده من اخواني

هل النيران والدخان ما سروه بفعوله = ولا جابو تمر حايل ولا تفاح لبناني
يا كود الطهبله والطهبله تنجاب بسهوله = ويا حتاجوه ما يقف بها ياكود حصناني