تغرب الشمس في بحر(ن)حميم وسموم=مثل ماقال ذا القرنين شين جرى
العبادل سماء وإلا العوازم نجوم=كل ماقلت مكه كيف ابنسى حرى
من نسيم البراد ومن سعير السموم=يعتبر كل مخلوق عيونه ترى
العبادل بشر والا طيور تحوم=كيف جيت الثريا وانت فوق الثرى
ليش قالو تريح وانت مانت مخدوم=كيف طار الكرى وانتم على اول كرى
أم كلثوم ماتخلق من المسك ثوم=وانت يالسامري ليلك هذا ماسرى
انت جاي(ن) تفرج غير مالك لزوم=لك شهر مع كرى تسبر وترجع ورى
أم كلثوم ماتت فالطريق العموم=وانت تعطي ديتها قاضي الازهرى
احتراك البراطم وافتراك الخشوم=والقراره بعيده عن محيط القرى
غلبت الروم في يوم غطى الروم روم=من درى علم الي غافل ما درى
اثر بيض الخدود الي عليها الوشوم=زايده ملح مدري ناقصه سكرى
ما يلين صحنك الا سنام الردوم=انت شيخ القبيله والفريق افقرى
بين كثر القبايل واختلاف الوسوم=شي خافي وشي للعيون اجهرى
الحكومه تكلم عنك وانت محكوم=الصميل امتلا ليله ويوم انفرى