:
:

ياللي من الطوب الفخاري بنيتم=دبلكس فله من زمرد وياقوت
احياكم المال الوفير وحييتم=وانشيتم الفله على ابواب ريموت
على الترف عشتم ورحتم وجيتم=يوم المطيه حبلها صار مفلوت
ولو من حطام سحوت بقعا اكتفيتم=ماكل من يحضى بالامال مبخوت
ومن جود راع الجود يوم اغتنيتم=الشكر للي بالبحر رازق الحوت
الله خلقكم من تراب ونشيتم=من السما ما حدٍ نزل في براشوت
ان كان شئتم ياعرب وان أبيتم=ترى الجزى جنس العمل والعمل قوت
والخاتمه هي ذخركم لا فنيتم=والمشكله بالموت واللي ورى الموت
اما بشاير خير فيما جنيتم=ولاَ تندمتم على فايت الفوت