المجلس اللي به كثير العذاريب = من كذبٍ وتكذيب او عنصرية
مجلس ردي لو كان ثلثه من الطيب = لاني بله جالس ولاهوبلية
حتيش لو زادو علي التراحيب = ترحيب ولاغير عندي سوية
هذا وانا توّي ولا جاني الشيب = مالي مع الرديان حسنة وسية
وياللي تدورني ترا ماني قريب = ابعيد عن كل العلوم الردية
في مجلس طيب ولايقبل العيب = مجلس قروم وعنده النار حية
فيه الدلال تساق لاشكٍ وريب = من وارد الرسلان صفرٍ نقية
الراس من فنجالها يصح ويطيب = كنه مداوى ابمركز الخالدية
والهرج ماتوحية كود بتراتيب = وليا هرج قرمٍ تسمّع خوية
والله لولا الشغل ماعنك ابا اغيب = يامجلسٍ بالطيب ما شفت زية