يا من خبر له عتيبي ٍ حكم من عصر شدآد
 

محاوره في قمة الابداع والفتل والنقض
التي تبرز مدى ما وصلو إليه الشاعرين من نضج ومكانه رفيعه بالشعر...
جرت هذه المحاوره سنة 1970 هـ
بين شاعر مطير الكبير شليويح بن شلاح المطيري
والشاعر الكبير رشيد الزلامــي

والمحاوره كانت رباعيه وانا اخذت قاف شليويح و رشيد .



رشيـد ..




صفي سرى يا عتيبه والعبادل صفهم زاد
ربعي عتيبه تجي دون اللوازم وتحماها




شليويح ..




ان كان قامت عتيبه قابلوهـا آلاد عبـآد
ربعي صقور ٍ ليا حان القدر تطرح عشاها



رشيد..




ان كان راحت تحدي يا ولد شلاح وعناد
لي ربعة ٍ يسلم الكافر تحت فية عصاها



شليويح..




ما ذمكم يا عتيبة هضبة ٍ للقوم ميعاد
لكن حنّا صواقع صبّها الله من سماها



رشيد..




يا مطير مآنتم صواقع مير نار ٍ توقد اوقاد
وحنا خيال ٍ ليا خيّل على نـارك طفاهـا



شليويح




نار ٍ تذوّب بها صلب الحديد بغيـر حـدآد
وأنتم كما مزنة ٍ راحت عجاج وضاع مآها



رشيد..




مطير واجد ولا يلقا لها محصي وعدآد
بغت تولآ الديار وجاء عتيبي ٍ ولاهـا



شليويح..




يا من خبر له عتيبي ٍ حكم من عصر شدآد
اثر العتيبي ليامنه بغـى الكذبـه لقآهـا

يا من خبر له عتيبي ٍ حكم من عصر شدآد
اثر العتيبي ليامنه بغـى الكذبـه لقآهـا


الله يرحمك ياشيلويح ويسكنك الجنة ..

اي والله العتيبي اليابغى الكذبة مايبلش ..

واهب يالزلامي كذوب متى حكم عتيبي ..؟؟؟!!!


اي والله العتيبي لابغى الكذبة لقاها .. هههههه

نسيت اشكرك ..


شكرا لك يابن مرغي وبيض الله وجهك ..

الله يعطيك العافيه يابن مرغي
لاهنت

فهم شاعرين من عمالقة المحاوره

محاور قووووية

وياليت الشعراء يقتدون مثلهم

والجمهووور كذالك هع هع
عشان محد يطير في العجة

مشكورعلى الموضوع ياالغالي


لاهنت