|
من المحاورات الطريفة !!
هذا من فنون الشعر ،، وهي شائع عند كثير من الشعراء وهو أن يتحاور الشاعر مع نفسه إن صح التعبير ! أي أنه يبدأ ثم يرد على نفسه بلسان سيارته مثلا أو طيره أو ذلوله . وهنا أمثلة فقط ولعل الأخوان يتحفونا بما عندهم . الشاعر العلم الكبير بدر بن عواد الحويفي في حفلة لا تنقصها الصفوف تحاور هو وطيره !! قال أبو سلمان :
ياطير يوم أشريك من حر مالي=أبا الشبب منك بطوارف غنيجان جرمك كبير وجوهر القلب خالي=جرمك كبير وغشني بك عجيان قال الطير خلوها:
يابدر لا جاء بالمجالـس مجالـي=أستر علي الله يجازيـك بإحسـان وأوصلني الشعبان وأطلق حبالـي=بأرض بها حروة جراذي وفيران مالي بشـوف أم الأذان الطوالـي=اللي صفار عيونها تقـل حـوذان ولا الحباري مابهن لـي مدالـي=يطير قلبي من عيـون الكـروان مير أترك الموضوع واستر خمالي=الله يخلي لـك محمـد وسلمـان قال بدر
أصبر علي ليمـا تهـب الشمالـي=تقلعك عني يـم صنعـاء ونجـران مال الردي عنـدي مقـام وجلالـي=خسران من يرج العشاء منك خسران فيما مضى عنـدي عزيـز وغالـي=واليوم قدرك عندنـا مثـل حجـلان وفيما مضى وانته مشـارك عيالـي=اقطع لك الهبرة وهم بـس عظمـان كذلك الشاعر الكبير محمد بن شبيب الحداري ( ولست متأكد من نسبتها إليه ) تحاور هو وسيارة وايت قال الحداري
وراك يالأقشر تقل ما أنت بالحيل = هو غيض وإلا علة داخليه اللي مضا لك ما تضايق من الميل = ولا لك عوايد بالعلوم الردية قال الوايت خلوها خلوها :
دنياك هذي يالحداري غرابيل = نوب عليك أنته ونوب عليه ياكثر والله ما تحملت من ميل = ليا ترك خطو المهبا خويه والمحاورة طويلة ولكن الشريط ماهو صافي ( افهموها عاد هذا اللي حافظ منها !!) هذا نوع من أنواع المحاورات الطريف أتمنى أنه أعجبكم . |
الحميدي الله يعطيك العافيه على النقل الجميل
|
مشكور اخوي الله يعطيك العافيه ننتظر جددك
|
الأخ : الحميدي المخلفي بيض الله وجهك ويعطيك العافية,.,,, تقبل المرور..,, |
الاخ القدير الحميدي المخلفي
بيض الله وجهك يالغلا لاعدمناك |
الحميدي بيض الله وجهك على المحاوره الطريفة
وصحت ألسنت الشاعرين محمد الحداري وبدر الحويفي ولكن أبغى أسالك عن الشاعر محمد الحداري أين أجد أشرطه للشاعر الحداري لأني والله تعبت وأن أدوار أشرطه وكمن أذا عندك محاورة للشاعر تكفى تنزله ولأتزعل من تران طمعانين في علومك تقبل تحياتي |
اقتباس:
شرفني مرورك ،الله يعطيك العافية . |
اقتباس:
تشرفت بمرورك تقبل خالص شكري وتقديري . |
اقتباس:
شرفني مرورك بارك الله فيك ولك كل الشكر والتقدير . |
اقتباس:
شرفني مرورك يابن العم بارك الله فيك وتقبل خالص شكري وتقديري . |
الساعة الآن 06:53 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir