ملتقى قبيلة حرب الرسمي - صوتو لبو روان وبشروني كان جانا

ياسلام الله سلام ( ن ) قبل باق القول اقوله =مني لعضاء ملتقان والي زارو ملتقانا
حرب ربعي ياهل النوماس وعلوم الرجوله=صوتو لبو روان وبشروني كان جانا
مرحبا ترحيبتأ ياصاحبي في وسط دوله=لا بعيد ولا قريب ولا عطاك ولا عطانا
جاك خيال الكحيله يشهد الله مع خيوله=بالنيابه عن قبيله والبقا فاللي طرانا
انت رجال بنيت البيت وهل الطيب جوله = واصبحوا مستانسي ( ن) للمعزب والمكانا
ودنا انك لديار الاوله تروح جوله = ثم تشوف اللي يغث الكبد ويجيب الجنانا
كل رجلأ ياعميلي ماش في دربه وحوله=مانبيع اللي يبيع الناس في هذا الزمانا
في زمان العافيه اشتم ذيب القوم زوله=مانسد الدين إلا للعميل اللي لفانا
الطريق اللي مشيته فيه عنوان العموله = مير عود ولا تعود غير من ثالث خطانا
ون لقيت الدرب ناضر بالخول وتشوف خوله = جعل تفداك الرخوم وصحت السنت اشعرانا
الطريق اللي مشيته يشهد الله مانزوله=عزوتي حرب القبيله والقبيلة في رحانا
سيف ابو زيد الهلالي ناصبه فوق الحموله=ماحسبنا للرخوم احساب لو ينزل سمانا
ابتلشنا بالسفيه وحضرت الجرب ذلوله = مالقيناله علاج بالخوافي والبيانا
لكن العاقل يعاف الدار لاكثرو خبوله = ومن جلس ياصاحبي عليه شرهه كبرابانا
كان ربان السفينه باعها وارسل رسوله=الجمل يرعى وحنا كلمتأ منا عصانا
كل ديره ياعميلي شيخها ناس اخضعوله=اشهد انك ماتبور ولا ورى راسك خيانا