مشتاق ظم الغضي ساعه=لن كان يسمح ويرضالي
ولا تـرى الـناس بـيـاعه=في سـوقـهـا كـل شـيـالي

كم تنشد النفس ملتاعة=عقب الجبل وين مثقالي
لايغرك الزيف فبضاعة=والدون ما هو كما الغالي

في ماضي الوقت ووداعه=محسوب الاول مع التالي
ياصاحبي كود لاماعه=مثل الذهب والقمر عالي

عاداتها الروح طمّاعه=بالقول تبغى والافعالي
ولابد ما يسبر شراعه=اللي يبا بحر الاجوالي

حلاوة الروح نزاعه=واللي طراله يطرالي
والحب كله وانواعه=ماصار يطري على بالي