فــــــــلاح الـــقـــرقـــاح =
سلام الله علي اللي نجتمع لاجله وله نشتـاق=ونطـرب ونتفاخـر لتعنينـا علـي شـانـه
ولد خالد جمع حنكه وتفكير وكـرم واخـلاق=ورثها كلها مـن راس ابـوه وروس جدانـه
حــبـــيـــب الــعـــازمـــي =
هلا يامرحبا في المجلس اللي بالعرب ماضاق=وحسب الامر مـن راعيـه ماتنصـك بيبانـه
هل التوحيد وملوك الجزيـره والعلـم خفـاق=وهذا موطن اللـي يكـرم ضيوفـه وجيرانـه
فــــــــلاح الـــقـــرقـــاح =
نوينا نلفت انظار الرجـال ونكشـف الاوراق=ولايمكن نجيب الهرجـه اللـي مالهـا خانـه
بعض الاحيان مانقدر نسـدد راتـب السـواق=وبعض الاحيان نضحك بالوحش لشر جنحانـه
حــبـــيـــب الــعـــازمـــي =
تبي تطلع عليك الشمس وانته ماثنيت السـاق=ولا للحرب ياشاعـر عبيـده غيـر فرسانـه
ولا ياموسـع الدنيـا ولا يامكـثـر الارزاق=وبعض الناس يطغى لين ظلمه يقطـع لسانـه
فــــــــلاح الـــقـــرقـــاح =
مسافات الزمن بعيد وظروف الحيـاه ارهـاق=ولايرزق عبيـده غيـر رب البيـت سبحانـه
ياشاعر راح عمرك وانـت يافتـاح يـارزاق=ولكـن البـلا لـواجـه الـديـان ديـانـه
حــبـــيـــب الــعـــازمـــي =
تصيب البندق العوجاء لجاها الرامي التفـاق=ياحظ اللي يشب النار مـن زنـده وصوانـه
من اول مشلح الطرقي يدور الحول في المعلاق=لكن اليـوم لاينـزل ولايطلـع عـن امتانـه
فــــــــلاح الـــقـــرقـــاح =
راع الدكان اذاكانه مايعرفه لعبـه الاسـواق=يصدون الزبايـن عنـه ليـن يصـك دكانـه
بعيرك راح من ديـره لديـره يتبـع البـراق=ولكـن ياحبيـب رجـع بعيـرك لمرحـانـه
حــبـــيـــب الــعـــازمـــي =
انا كم قلت لك مالي دخل في الموس والحلاق=عسي الحلاق يرجع حد موسه فـوق لحيانـه
بعيري يوم راح الله جعل قدمه ثـلاث نيـاق=وانا مانـي بقائـل رحلتـه مامسـت بطانـه
فــــــــلاح الـــقـــرقـــاح =
قليل الحظ لجاء يبغي الماء قالوا المـاء راق=وعـود والظمـاء بيـن بلعومـه وشريانـه
بعيرك في الطريق الصعب لايحدا ولاينسـاق=ولكن جبرتـه ليـن جـات الناقـه اوزانـه
حــبـــيـــب الــعـــازمـــي =
يقولون الحـلال لتسلـل فيـه سلـك دقـاق=مثل قصر قديـم وقضـت الاريـاح جدرانـه
تراها سنه الخلاق ترضـي معشـر العشـاق=مدام ان الجمل موجـود والسلطـان سلطانـه