يسر القاف تهليلي =بذكر الله عظيم الحال
يروق الناس تفصيلي =فسومه تعجب الدلال
حروف الشعر تمثيلي =معانيها بدع و أشكال
سهرت أقايس فليلي =مقايس السهل وجبال
فنون العلم تجليلي =ظلام فجهلنا وأهوال
وطاعة رب اجليلي =تهل الراعد الهمال
صحبت أصحاب تشكيلي= قسى من وقتها واهوال
صحبت أصحاب ترويلي =جميل افعالها واقوال
صحبت أصحاب تضحكلي= عرفت لضحكها فقبال
ترى أصحابي فتحليلي =قوايل حارقه وظلال
ظفرت بصاحب الحيلي =تركت الصاحب المختال
ولا ابكي فايت الميلي =ولا أعجب لدهر جوال
تجاريبي فتراحيلي =حكيم من يبا الترحال
رفقت فسفرتي جيلي= رفقت فسفرتي كهال
كشفت ابها مخاليلي =عرفت أساير الأخلال
عجزت أسافر بحيلي =قدرت أسافر بحمال
عقدنا امير للميلي =يعدل ميلة المحمال
وجالس وافي الكيلي =وباعد باخس المكيال
أجالس عد يجبيلي =قراح الراي بالأمثال
حكيم الشور يبديلي =مشورة عاقل مدهال
ولا اقول للفتى احكيلي =عن الغايب من أي رجال
أحب أكون أنا معيلي =ولاني من هذاك أنعال
وأغض الطرف تعليلي= عن أعراض الرجال ظلال
يموت الخاسر بخيلي= يروح المال ورث عيال
وموت الرابح مهبلي= كريم يبذل الأموال
كسب مدح الرياجيلي= وتذكر قصته الأجيال
وللجيران تكميلي =وللعاني كثير إجلال
ولا ياسامع لقيلي= ديون للرجال ثقال
وكلام يحرق فحيلي= إذا صيرافها رجال
بكيت أوقات تبكيلي =وأنا في وقت ما ينجال
وأنا من ذنبي اثقيلي =ضعيف يطلب التعال
سالت الله تجميلي= بعفوه سيدي واقبال
عدد ما يمطر مخيلي =صلاتي لقايد الأبطال

@@@@@@@@@@@@@@@@@@@@@@@@@@@@@@@@

المشاركة الأصلية كتبت بواسطة ابوروان النويمي (المشاركة 220462) صح لسانك وعلا شانك والله يعطيك العافيه على القصيده الجزله بيض الله وجهك مع التحيه

المشاركة الأصلية كتبت بواسطة راعــ(البل)ــي (المشاركة 220463) صح لسانك وبيض الله وجهك نص جميل وشاعر بارع تقبل تحياتي راعــ(البل)ــي