|
يالله تجزي حامس البن بالحور @@@
بسم الله الرحمن الرحيم
السلام عليكم ورحمة الله وبركاته الكثير منا وأنا أولكم... يشتري البن من العطارين أو مطاحن البن أو المراكز التجارية محموس ومطحون جاهز ...!!! والحمس غالبا لايكون ذلك الحمس الذي نتمناه ( لك عليه:( ) ويشرف على حمسه في تلك المحلات إخواننا من الجالية الهندية أو أو... ممن ليس لديهم خبرة في الحمس ( مايعرفون الكيف ) وتجد أن القهوة بعد إعدادها ليست كما يجب بخلاف لو حمس البن بالمنزل :) تحمسه كما تحب وكما يجب ;) وقد أتحفت هذه القصيدة بآداب الضيافة والمجالس ... لا أطيل عليكم فالقصيدة بين أيديكم أرجو أن تحوز على إرضائكم وتكون ذات فائدة ...وبالله التوفيق [/color]
يالله تجزي حامس البن بالحور =يا حامس الأشقر على البيض نجزيك والسلام ختاموملقمه دله بعد دق بنجور= ومبهره بالهيل مجدك بياديك لا تشتري بنك بعد حمس مصرور= ما يعرف الهندي حموس(ن) ترويك أقرب من المحماس ولاانته بمضرور= بن اليمن حمسه عبير(ن) يشافيك والنجر نجر الشام بالخير مذكور= صوته طرب ضيفك وجارك وعانيك يامزهب الدله ليا اقبلت بسرور= رحب وهلي والمناعير تطريك واذبح من الكوم النقيات جابور= لا تشاور الضيفان لضيف يجفيك كل على يسره يمدك بمنظور= وانته على يسرك تفسر معانيك أقلط على الكرمات مانته بمنكور= يا قالط الكرمه مقلط شراويك ما قصدك العيشه على العيش ناظور= قصدك هل الطالات تلفي وتلفيك واليا لقيت اللي كسى وجهه النور= أوصيك تنصتله علومه تقديك تسمع تجارب في قسى الوقت ويسور= تسمع من الماضي علوم(ن) تسليك واللي صغير السن ماهو بمحقور= أجلس معه لو كان سولف بماضيك رب الصغير أعلم وبالعلم محبور= عليه نور العلم يزهى ويزهيك واحرص على صحبة هل الخير مشكور= يا مجالس الطيب من الطيب يحذيك واحرص على مفارق هل الغي والبور= واعرف مجالس نافخ الكير يذيك واللي عزيز النفس بالذيب مذكور =واللي طرا الغيبه يكوكي كما الديك واللي لبس ثوبه من الجنب منتور= ود العرب مثله عن الخير ناهيك طاري من الهاجوس منقوش فسطور= يللي حمست البن من قلبي اسقيك واعداد ما يزرع من اشجار وزهور= صلي على المختار ربي يعافيك لكم تحياتي [/COLOR][/SIZE][/CENTER] |
|
صح لسانك وعلا شانك
والله يعطيك العافيه على القصيده الجزله |
اقتباس:
ووجهك أبيض وصح بدنك يالغالي |
اقتباس:
وصح بدنك وسلم غاليك والشر مايجيك |
صح لسانك يالذيب
.. ولاهنت نص راقي ..و عذب المعاني .. ! سلمت مشاعرك .. دمت بـ إبداع راعي الحناكيه |
صح لسانك وعلا شانك
والله يعطيك العافيه على القصيده الجزله بيض الله وجهك مع التحيه |
شاعر جزل و مبدع لا عدمتك
لن اوفيك حقك من الثناء .. دمت بخير اخوك |
سلمت وصح الله لسانه
قصيده وافيه من وافي لا هنت وتقبل تحياتي بن فرهود الحربي |
اقتباس:
أشكرك على مرورك المميز دائما |
الساعة الآن 01:55 AM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
