ملتقى قبيلة حرب الرسمي - فقد البعير اللي لو الطويق حطيت

قصيده موجهه لي من الشاعر راح بن دبيان البيضاني

سر ياقلم واكتب على ماتوريت=من هاجس دوافعه يدفعنه
واكتب سلام العالي الذوق والصيت=ذواق جزل القيل مبدع بفنه
غازي وسيع العرف ومحكم البيت=بيت القصيده مايجي فيه لنه
حكيم راي وعرف لاقلت ما خطيت=قول صحيح يقال ماهو أظله
اليا كتبت بمنهج الشعر وابديت=ألمثله كبير بهيبته قبل سنه
تحس بالتقصير مهما تقصيت=العود مايجلب المنبع مغنه
لكن لعلي يوم قلت وتهقويت=أخير ماتملي هوجسي يجنه
واخبره بما ضيق الصدر واخفيت=اخفيه عن من لايثمن وكنه
اصد كني وانشدت البعض مااوحيت =لاني اعرف الكيف هيله وبنه
اعرف من عظمه كما قيل خرتيت=ما يرتكي للحمل لو هو لاونه
نشدك وانت بسر همك له اعطيت=يبحلق عيونه الهبني هبنه
واعرف من لاقلت همك له افشيت=كنه ابو حدين وانته تسنه
وغازي لو اني امدحه كان ماوفيت=رجل دروب الطيب مايتعبنه
يابو طلال أيام حمل بحلتيت= مافيه مرٍ يشبه المر هنه
ونا أقاوم جورهن ماتوانيت=وصابر لان الصبر واجب وسنه
والعلم الاخر منه انا وانت وامديت=اغلب عيال الجد محزون منه
فقد البعير اللي لو الطويق حطيت=حملٍ عليه يسير موحيت حنه
قوي باس يشيل ما يقول انا زريت=رغم سموم الصيف ايام كنه
ونيس ونس احزام شده وعنتيت=الله يعوض له حياتٍ بجنه
وياليت فادينه ثلاثين ياليت=لابو علي يفدون من غير منه
منهم هذاك اللي لسلمان سميت=يوم الحصن معننه بلاعنه
ومنهم سريع اللي على كف عفريت=اللي مع المزمار طبله يدنه
ومنهم ومنهم كثرهم كان عديت=والا رصد ه بسوسير ايضا فدنه
وختامها بجمل تحيات حييت=وهذي هي الايام ماعطن خذنه

الشاعر /رباح دبيان البيضاني
المقصود بالبعير هو الشاعر الكبير /رجا الله المحمدي رحمه الله عليه
المقصود بالكلمه بن فازع هو الشيخ جهز المطيري
على ضو قصيدة الشاعر الفارس جهز بن شرار المطيري يوم يقول
تكفون يالبيضان ولا الدهاليس=حيثنكم قدامهم بالحراوي
حيثنكم فريس وعيال فريس=اهل اطوال الخيل مانتم شواوي
اما المردود على الشاعر رباح fبن بيان البيضاني

حييت ياراع التماثيل حييت=من ضامرٍ روابعه مطمئنه
عن ضيحة تركض وراها الشماميت=اوشرهتً تاطا الرجال المسنه
اورميةٍ تصدف على غير توقيت=ولازريق لغارهٍ مستكنه
ياطولها ياعرضها لاتقصيت=امداح واهداف لهن راس عنه
من شاعرٍ تتعب وراه النواحيت=شاعر وطرقه من هجوسه يفنه
لامختلس معنى ولا هاكعٍ بيت=لاقال قوله مايجي فيه لانه
رباح لامنك على بيته الفيت= تلقا حصان للنشاما منضنه
من ربعهً يوم اللقا وزغاريت=قطعانهم جو الخطر يرتعنه
في ظل مرويت الرهاف الزناتيت=لاجاء نهار فيه للبوش حنه
مثل النهار اللي لبن فازع اوحيت=يوم الركايب ثورن واسهجنه
قال الكلام اللي معه تقل توقيت=فقيدهم سحم الظواري كلنه
واهل البيوت اللي لها رحاب لاجيت=يفرحبها ركبن طوا البعد شنه
مع الصلف كل المزاهب مباحيت=من فندقً عوص النجايب مشنه
واهل الكرم يوم المراجل شحاتيت=يوم الردي يفرح ليا جنبنه
ببيوتهم لمن دخلت اسفهليت=وخصايلً لو قلت ماكملتهنه
قلته ومن شر الحمايل تبريت=كلٍ يدينه حقهن ياصلنه
يامسند الشكوى وثيق الاثابيت=عد الروا الايام مايخلفنه
لاهنت ياللي في مديحي توصيت=تواضعً عبربهن ما يكنه
من يوم وجه للردود استعديت=للقيل سامع والمسامع مصنه
ومن يوم وجه للمعاني تحريت=صديقك الغالي تهقوا بضنه
ونا معك واضربها وين ماشيت=انزل سهل واطلع بها راس قنه
علي لاصلط على الغامظ اليت=وانته عليك عتاب انسه وجنه
لين انها تظهر على مثل ماطريت=وليا انتهت توديعها بالمجنه
قلته حسب عرفي ليا قلت وادليت=ماللعدا فرحه ولهن منه
قلته وانا لوني على العالي اوميت=اركبت شن المتهم فوق دنه
قلته وانا لرقابته ماتجريت=ون لاوحت من ضاق ماسلت منه
ولا العديم اللي به العام عزيت=وغيري وغيرك كم من جر ونه
والله مالومك لو نعيه وفديت=لكن طريقً للمخاليق سنه
مرحوم يا معجب سموع المصانيت=ليت اليالي بالحياه مهلنه
هذا الكلام اللي على رده اشفيت=وان جنبن مرمي الهدف ون نصنه

الشاعر /غـــازي بن مغيران الزغيبي