ملتقى قبيلة حرب الرسمي - قصيدة ممثل حرب : فايز العلوي الحربي

السلام عليكم و رحمة الله و بركاته :-

أنقل لكم قصيدة ممثل قبيلة حرب المشارك الوحيد من قبيلة حرب
((ببرنامج شاعر الشعراء))
و نتمنى من أبناء عمه دعمه 0

يقول فايز

يالله يالي بامرك الصعـب يسهـل=اطلبك وارجـي دعـوةً مستجابـه
انـك تجملنـي واعـود مجـمـل=مادمت امثـل لابـةً خيـر لابـه
يطلبـك عبـدا لا تراخـا ولا ذل=الا لوجهـك يـا سريـع الاجابـه
ويا إلهام شعري لا نخيتك تفضـل=عذب القصيد الجزل يا مرحبا بـه
ابيك كـل الـي سمعـك يتفاعـل=خابرك سيفـا بالقـى ينعـدا بـه
سيفا بوقت الخوف والضيق ينسـل=والسيف تعرف سلته مـن نصابـه
عجـل ترانـي بالمهمـه محمـل=وان لم تكن ذيبـا اكلتـك الذيابـه
باب الغـزل يالشعـر خلـه مقفـل=عندي مهمة شاعرا جـاك مـا بـه
ماني من الي يسهـر اليـل بالتـل=اللي مـن عيـون الصبايـا عذابـه
اصد عن راعي النضيـر المكحـل=لو يعترضني خاطري ما شقى بـه
لو ينكسر ويسلهم الرمش الاكحـل=درب الهوا ماهـو هبابـي هبابـه
والله ما شقى في صخيـف المعـذل=لين اني ارضي حرب حرب الحرابة
ببرنامجـا وافـي وكلـش مكمـل=يرعاه شيخا كـل طيبـا وفـا بـه
مـن روس قومـا للمهـم تحمـل=والطيب ورثه من عصور الصحابة
وانا سفير لحرب من حرب مرسـل=ارفع علم ربعـي شمـوخ ومهابـه
ويا حرب ياهل الطيب بيدكم الحـل=انـا بحاجـة لابتـي والقـرابـه
خلـوا رسايلكـم تزايـد وتنـهـل=مثل الحقوق المنهمل مـن سحابـة
وانا بني سالم ومسـروح ابوصـل=قمة جبل ما كل شاعـر رقـا بـه
ربعي قبيلة حـرب والجهـد يبـذل=في وقت ميلات الدهـر واقتلابـه
صديقنـا بالطيـب معـه نتعامـل=وعدونـا محـدا يعالـج صوابـه

ثم اسهب بمدح قبيلته الى ان قال:

واليوم حكم الي عقاله ميّـل=كله عدل ماغير ميل العصابه
يحكم بما جاء فالكتاب المنزل=ومشرعاً للشعب صدره وبابه

والان يا حرب ياهل الطيب بيديكم الحل

البرنامج يعرض على قناة NTV

القناة البنانية الجديده تردد 12130

وللتصويت عن طريق الاتصالات السعودية 82323

موبايلي 6334

يرسل رقم الشاعر فقط وهو 110

كتبت هذا الموضوع للتذكير فقط

واعلم انه سبقني الاخ غالب الضاهري

والكثير من الاعشاء

ولكن من باب الحرص والتذكير