ياسلام الله عليكم والمجالس مستنيره = عد ماهلت مزون الغيث وارعد في خياله
قوم يابندر العوفي والا ياشيخ العشيره = والا نادو ابن باخت يجينا نصرف رياله
مرحبا باللي يسلم والمعاني في ضميره = بس ليته يلبس الغتره وماينسى عقالـه
موترك يابوفهد دايم يخرب بكل ديـره = دايم اشوفه مدحدر من عفيف ليا صلاله
بعد شفتك يالغيداني ياعسى فالامـر خيـره =ياعميل الخير ياللي تعرف حقوق الجمالـه
اربعة شرق الجزيره واربعة غرب الجزيره= واربعه ركبهـم الباشـه سفينـة الجلالـه
جيتني والحظ جابك والليالي مستديره = شد حيلك لاتغني فالمجالس"برتقالـه"
انت جبت الاوله لكن ماجبت الآخيره = قولها ولاتعذّر قبل نعطيـك الاقالـه
والله انا يوم نورد نخبر الجمه غزيره= والعشيه لاش جمه للعرب ولامحاله
العيّه ماهو بمنا والعيّـه مانستشيـره=مايفرق بين عمدان البيوت والسقالـه
انت طير بس ماشفنا مع العالم مطيره = نص ريشك ناتفه بندر بدور لك بدالـه
والله اني شايفه معكم يومنك في عشيره= مكرمه عمك وذابح له ذبايح من حلاله
علمولي الغيداني لايضرب طبله وزيره = نص سكان المدينه تغنيلة يالالاله
انته اعيونك بصيره مار يدينك قصيره = ياعسى ينهد بيتٍ مايظلك في ظلاله
صاحبك فالشعر والله ماتحملتـوا زفيـره=بس والله مايزال يعدكـم حسبـة عيالـه
ضربةٍ مني تقص الراس وتفك الضفيره!!!=بس ماهي للصديق اللي نحبـه وانعنالـه
خلها بيني وبينك لاتبيّح السريره = الجمل شقران هايم والهيّم علة طحاله
عزوتي حضرة معبّد يوم غزوات المغيره = مواقفهم فاللزومي كان رجلي وخياله
عزوتك والنعم فيها تحمي الضيف وتجيره=هم عيال العم ربعي علمهم علم الجزالـه
بس ليتك ماتمثلهـم بشعـرك ياهريـره=لين تفهم كلمة الاستاذ وتجاوب سوالـه
انت ليش توسع اللفه وتكثّر التدويره = كان تبغالك مقاضي المقاضي فالبقاله
والله انا مارجينا منك لو حبة شعيره = ماطلبنالك شهادة ماطلبنالك وكاله
والله انك وان بغيت الحق ماعندك ذخيره=شايلٍ بندقك لكن الرمـي مبـروك حالـه
انت ماعندك شهاده بس عندك حسن سيره=ولوتجي بالمدرسة عندي طلبت الاستقاله
لاتطرطع يالغيداني فالكبيره والصغيره = مثل دلالٍ يحرج ولا حصله دلاله
والله انا مانذمك مار قصتكم خطيره = وكّل الله يالغيداني واطلب الله السهاله
والله اني ناوي اشب الفتايـل والسعيـره=في طرف ثوبه واخلي صاحبي ينسى عقاله
بس اعزه مارضيت اولعه واشوي ضميره=واتركه لين يتعلم من شعر عمـه وخالـه