ملتقى قبيلة حرب الرسمي - يا بندر إلحق لا تطوف الرحلـه


	يا بندر إلحق لا تطوف الرحلـه = وإركب معي يالقـرم فالطيـاره واللي يبينـا خوتـه نشريهـا = واحد من الإثنيـن يطلـع بـرا بندر خويّك .. شـام والا قبلـه = بالجـو .. والا بـر بالسيـاره بالروح خوّتنـا تـرى نفديهـا = واحد من الإثنين .. يطلع بـرا لاتحسبن رحلتك هـذي سهلـه = الا انك رجلٍ ماتبيـح اسـراره وان جبت راس غليص لاتخفيها = واحد من الإثنيـن يطلـع بـرا القلب صامل ليت فيكـم صملـه = ماني بمثل اللي قصر مشـواره كفّن غليص بغترتـه واطويهـا = واحد من الإثنييين يطلـع بـرا ياكم شجاعٍ مات سبـة جهلـه = والدرب لا تامن جميع أخطـاره وأنا أعرف علومك قبل تبديهـا = والظاهر أنت اليوم تطلـع بـرا المنتحـر ليتـه يـرده عقلـه = وش وهقك فاللي جهلت اخباره أنشد عن الديره قبـل تغزيهـا = والشاعر المكـار يطلـع بـرا صبرت وأعطيتك يا بندر مهلـه = وانا يمين الدرب وأنت يسـاره يضحك سقيم الرأي من صاحيها = إصحى معي والا بأدفـك بـرا مثلك بعير ولو تزيـد الحملـه = قولك يذكرني جحـا ومسمـاره نضحك على اللي جابته يخطيها = محدٍ من الإثنيـن طالـع بـرا العود ما يبغـى يهـد الكهلـه = وآخر زمانه ينطـرد مـن داره والبنـت ماتبغـاه ولا يبغيهـا = واحد من الإثنيـن يطلـع بـرا البنت ما شافت عريـسٍ مثلـه = وأكيد ما تكره زعيـم الحـاره وإن مات ما تلقى كفو يرضيها = والحاسد الشمّـات يطلـع بـرا البنت تبغا مهـر وتبغـا دبلـه = ورجلٍ ما تطفي فالشدايد نـاره وكانك تبيها قـوم يـا راعيهـا = واللي ماشب النار يطلـع بـرا دولار مع يورو رصيد العملـه = والمهْر عندي لو تزيد اسعـاره والمشكله ماني تـرى هاويهـا = وإليا هويت البنت تطلـع بـرا