ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   مـــلــتـقى الـــمـحــاورة والــردًيه (http://www.m-harb.net/vb/forumdisplay.php?f=9)
-   -   محاوره بين المرحوم عبد الله العير ورشيد الزلامي (http://www.m-harb.net/vb/showthread.php?t=17745)

راع الشلفا 20-07-07 04:22 AM

محاوره بين المرحوم عبد الله العير ورشيد الزلامي
 
سلام يا اصحابنا اللي جيتهم بالوعد=وانا لياجتني الدعوات لبيتها
اصفى سما نجد لابارق ولامن رعد=وانا لمحت المزن ورعودها اوحيتها
الله يحييك ترحيبٍ بليا عدد=قدمك رجالٍ ترحبك ليا جيتها
بس المصيبه تجيهم وانت مامعك احد=قامت بك الارض واشتغلت عفاريتها
البارحه يارشيد وليت الاول بعد=وشلون حال الجماعه يوم مريتها
حنّا طراقي ولاحنّا من اهل البلد=لكن دعوتك هذي تعرف بويتها
ان كان تنشد جماعتنا بحال السعد=ومطير ماهي على الدرب وتعديتها
وش رايكم في عجوز بليس جابت ولد=واليا اسر الله ضحكتك وبكيتها
الله ولا النشده اللي تاليتها نكد=وشلون موجتك للمطران فريتها
اللي عطتك البريره وانت وسط المهد=قالوا لي انك بعد شيّبت جازيتها
الله يعلم رشيد وقصده اللي قصد=مطير من قبل جيراني وحبيتها
لاتحفر المقبره يطبق عليك اللحد=واللي عطتني البريره جيت وارضيتها
الليله انته بعيرٍ تنتظم وتهبد=ماتنتثنّى يدينك مير ثنيتها
اللي عطتك البريره حظها منقرد=عرضتها لاهب الكنّه وخليتها
الموج اشوفه طفح والبحر جاله زبد=لكنّ ذيك البضاعه وين وديتها
فزعتك عشرين واللي طاح واللي قعد=وخمخمتها في ظلام الليل واخطيتها
حطيتها في بيوتٍ جودت بالعمد=وانته تباها لكنّك ماتحليتها
الله يعذبك كيف اشغلتني بالنشد=عن حرجةٍ تطلب الميته وذكيتها
اقول سبحانك الخلاق فردٍ صمد=عيون فتحتها وعيونٍ اعميتها
يالعير دم الخواجه ماع مدري جمد=وارد عراوي دخل ماها على زيتها
الله ليا راد له حاجه بليا جهد=حرّم عليك الزقاره وانت كنيتها
ماعاد عند الخواجه دم كله نفد=اتعبت رجلك على دربه وعنيتها
وش رايك اعطيك بالغليون لين تهجد=تصبح وساعتك ضايعةٍ تواقيتها

راعــ(البل)ــي 20-07-07 04:52 AM

يعطيك العافية

ملعبه رائعه

القناص 20-07-07 05:26 AM

يعطيك العافيه على ملعبه الرائعه
ننتظر الجديد

حميدان العوفي 20-07-07 12:07 PM

محااااااااااااااااااورة راااااااااااائعه

مشكور على النقل

نهاش الحربي 20-07-07 02:20 PM

رحم الله عبدالله العير وصحت السنتههم


نقل رائع

الحب الباقي 20-07-07 03:09 PM

يعطيك العافيه على الملعبه
اخوك الحب الباقي
دمت بخير

مشعان الحربي 20-07-07 06:44 PM

يعطيك العافية

ملعبه رائعه

ابوفواز النويمي 21-07-07 11:50 PM

صحت السنت الشعار

وبارك الله فيك على النقل

سالم الفريدي 21-07-07 11:50 PM

يعطيك العافيه على الملعبه

البـــرنــــس 24-07-07 12:35 PM

صٍْحٍّت السٌِِّنْتكَم وٍسٌِِّلمً بٌَِنْآنْكَم



الساعة الآن 02:41 AM

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi