أنا عروسْ من الـفْ ليلـة و ليلـة= حَنـونْ، مِعطـاءة، بليّـا حـدودي
مانيب مثـل الكـلّ، كونـي جليلـة= متميّزة مـا فيـه مثلـي و جـودي
ماني بخيراتـي و مجـدي بخيلـة= أعطيه ما ابخل به و لاني حقـودي
بارضي حرم ربّي و سيـرة خليلـه= و مسجدْ رسول الله، و حكم السعودي
فيَّ المـدن مثـل النجـوم الدليلـة= اللّـي تـدل التايهيـن و تـقـودي
و فيّ الشباب يذود عن كـل عيلـة= يحمي حماي من العْـدا و اليهـودي
و بنات "حوّا" مثـل خيـلٍ أصيلـة= في سبقها للعلـم تهـوى الصعـودي
في التنميـة شالـت حمـولٍ ثقيلـة= مهيب خاملْـة(ن) و لا هـي رِقـودي
في العلم و التعليـم، بُنِّـه و هَيلـة= و في البيت ترعى الجيل، و أمّ(ن) ولودي
يا الله يـا منشـي حَقـوق المخيلـة= ترعى البلاد و شعبهـا، يـا وَدودي
و تعـز دينـك و المعـادي تزيلـه= و تعمي عيون أعدا البلد و الحسودي

المشاركة الأصلية كتبت بواسطة شاعر حرب (المشاركة 139448) الاخ الصييفي صح لسانك قصيده رائعه انتظر منك المزيد والافضل

المشاركة الأصلية كتبت بواسطة مشعل (المشاركة 139470) الله الله صح لسانك يالمبدع

المشاركة الأصلية كتبت بواسطة ابن خيرالله الردادي (المشاركة 139473) ياسلام ياسلام الشاعر القدير الدكتور الصييفي بيض الله وجهك وصح الله لسانك والله يديم علينا الأمن والأمان ويحفظ بلادنا شكراً لك اخي على هذه المشاعر الوطنيه الرااااائعه تقبل تحياتي وتقديري ودمت ودام ابداعك