ياضيقة الصدر وين الصبر قوليلي / وانا زماني زمان وحالتي حاله
 

ياضيقة الصدر وين الصبر قوليلي
وانا زماني زمان وحالتي حاله
مغير اسند مع الهاجوس واميلي
والعب على القاف واغنيه واشتاله
والهم بين الضلوع الحدب يوميلي
ياطول ليله وفال الله ولا فاله
اليا بدى كسر المجداف والحيلي
والحظ خيب رجاه وقطع حباله
مايقبله لو نزيد الوزن والكيلي
السوق سوقه نهار البيع ورياله
كنه عليه يدور له محابيلي
وانا لحالي مابين الناس في باله
اليا لقيت الخوي ماطاب له ليلي
واليا نوانا الردي دور له وجاله
يالله عسى مايغث النفس ويجيلي
يروح عني مراح البث وإرساله
في تختخ مابها صجه وتهويلي
ماطبها غير شرد الصيد واجواله
اليا كتب لي وصدت متعب الحيلي
كني من الهم ماعندي ولا حاله


عبدالعزيز مناور الرويثي الحربي

صح الله بدنك اخوي مساعد

لاهنت

صح بدنك وماعليك زود

ووجهك ابيض