من صد عني سهل الله دروبه / ماني على طرد المقفين ضاري
 

من صد عني سهل الله دروبه
ماني على طرد المقفين ضاري
مالي على فرقاه نفس امغصوبه
ولالي عليه بتالي الوقت طاري
يروح في دنياه لو هي لعوبه
ويحصل المقسوم قدمه ايباري
ان زان حظه ماحسبنا ذنوبه
وان خاب يلقى له مع الناس شاري
يامعلق نفسك بناس(ن) كذوبه
ضيعت عمرك بين ليل ومساري
تبغى السنع لكن عقلك غدوبه
واصبحت للتقصير حافظ وقاري
منهو نوى المكسب مشى الدرب صوبه
يحسب حساب لخطوته كان داري
لايقرب الزله ويبغى مثوبه
ولايطلب المسكين لو كان عاري
اما غناة ماوراها معوبه
والا عزيز وللمعزه ايداري
فعل الردى راعيه عارف ذنوبه
لايعتذر ويقول ويجيب طاري


عبدالعزيز مناور الرويثي الحربي

من صد عني سهل الله دروبه .

لأفض فوك
أوجزت وأنجزت

صح الله ابدانكم جميع

لاهنتم