قصيدة وجهتها للاخ العزيز الشاعر حمد فنيخر العنزي
لموقفٍ ما وكان حمد يعلم بتفاصيل ماقصدته
وقام بالرد على القصيده مشكوراً

ياحمد لا جاني من العفن زله
صديت ماني من يرد الهزيلات

وحبل الصداقه يقطعه من يتلّه
من لاحشم رفقتك عده بالاموات

وخليته يولي بحقده و غله
ولاني مفتش ياحمد ماضي فات

لاصار ماينفع به الطيب خله
وحنا مايلحقنا من الوقت شكات

انا الاصيل اللي يشرف سجله
وراعي الفعايل يوم لوجوا بالاصوات

اسمي وتقديري وفعلي يدلّه
الشاهد الله لي على صدق واثبات

مالله خلقنا للاوادم مذله
ومن لا تقاضى حي يقمح اليا مات

هذا اختصار السالفه بالادله
ترجمتها لك يابوتركي بالابيات

سالم بن مناع الحربي


الرد:
يامرحبا بالصاحب اللي نجله
راعي العلوم البينه والجزيلات

سالم ليا جيته ينومس محله
رجلن حباله بالمراجل قويات

مانيب مداحن على غير حله
شي على ماقيل مابه مراوات

الفعل لك مشهود يابوعبدالله
والطيب اخير من الردا عشر مرات

مسكين ياللي روّح العمر كله
لاسمعتن زينه ولا حاش طولات

وليا حصل بين الرفيقين زله
الطيّب اللي يدمح الفعل بسكات

عقد البلش نبي نحاول نحله
واصلاح ذات البين ذكر بالآيات

كلٍ على ماقيل دله يدله
نصيحتي لاهل النفوس العزيزات

حمدالعنزي

صح السانك وبيض الله وجهك
قصيدة جزلة من راس جزل

الاخوه
نديم المجرة
الحب الباقي
صحت ابدانكم ولاهنتوا