سلمان ياذخر العروبة والاسلام=بعد الله الوالي ونصره حليفك
انته لها مع كل قرمٍ ومقدام=خل العدو يشكي مع الذل هيفك
لاتخذك بالحق لومات لوام=كفكف ظلام الليل بطراف سيفك
اجلى ظلام الظلم وحلوم الاوهام=وعن المغازي لايعود نكيفك
الا بعزٍ ترتفع فيه الاعلام=دك الوغا واجلد عليهم عسيفك
قص الرقاب اللي لها سنين وعوام=تحفر تحت عرشك وتاكل رغيفك
كفار نعمة مابهم خير ينرام=ماقدرو فيها كرمك ومضيفك
عند المجوسي بين حاذي وخدام=وعندك ملوك وعايشنِ بريفك
اليعربي ماينخدع من ولد سام=لد النظر وانظر ثنايا رديفك
الحلم له حدٍ وللصبر ملزام=وطال الصبر مانلحق اللوم حيفك
ماعاد يرجى خير من روس الانعام= يكفي كذا عطشان واروه رهيفك

(لد النظر وانظر ثنايا رديفك)
هذا الشطر استقيته من قصة حجرف وخروفه
والمعنى هنا ان ماكل مانظنه خير يكون كذلك
لذلك وجب الحذر


حجرف الذويبي من قبيلة حرب كان فارس ذا قلب صروم و لعل أشهر قصة له و هي مع الجن تدل على

مدى قوة قلب هذا الفارس ...

في أحد الليالي الماطرة كان حجرف مسافر هو وخوي له و الزاد معهم قليل .. و في الطريق
رأوا خروف أسود فقال حجرف لخويه : أحمل ها الخروف معنا هذا رزق ساقه الله لنا .. و بعد
فترة و هم يسيرون و مع لمعه البرق في السماء ألتفت خوي حجرف للخروف في لحظه لمع البرق فلمح الخروف يبتسم حتى بدت أسنانه فعرف أنه من الجن فقال : حجرف.. قال حجرف : هاه .. قال خوي حجرف : عشانا يضوحك .. ففهم حجرف مراد خويه و هو أن الخروف اللي
ناوين يتعشونه مهو خروف ....

وقـام خوي حجـرف ونـزل مـن النـاقـه بـدون مـا يحـس فيـه احـد ويوم ابعد عنه حجرف راح
ينادي خويه بصوت عالي يا{{ حجرف الذويبي يا حجرف الذويبي ورده عليه حجرف قاله ليا

برق البرق انضر في ثنايا خروفك ليا برق البرق انضر في ثنايا خروفك} المهم مشى حجرف

ويوم برق البرق وهو ينضر في الخروف والينه يضحك وقـام حجـرف يمسح على ضهر

الخروف ويقوله صوفن ضافي والخروف يمسح على حجرف ويقوله عقل وافي

المهم كل ما سوا شي حجرف قلده الخروف يسوي مثل ما يسوي حجرف يوم اقبلو على شعيب

مليان مرخ المرخ هذا قشع سريع الاشتعال
وهو ينزل فيه حجرف ويطع ناره وهو ياخذ من دهن معه او تدهن بالمرخ
والخروف يقلده راح يتدهن مثل حجرف وحجرف ياخذ مشعاب نار والخروف ياخذ مشعاب نار وحجرف يتسفي المشعاب يقلبه يعني وهو يحك فيه ضهر والخروف يحط المشعاب في صوفه يبي يقلد حجرف والنار تشب في الخروف قال تكفا يا حجرف الذويبي افتكني قاله حجرف عليك بالمرخ عليك بالمرخ وهو يطب وسط المرخ وهي تشب فيه ىالنار وانتها الجني بالحرق

ياااااااااااااااااسلاااااااااااااااااام
عليك كحيلة حرب
صح السانك وبيض الله وجهك
قصيدة جزلة من راس جزل