يابري حالي من هوا لين العود=
=لامرني مابين ريض وعجلان
يغيب عني داخل الحي ويعود=
=وانا تقل القلب شعله ودخان
على الردى ماحافها كل نمرود=
=من دونها يقصر مدى كل نيشان
طرقا طويلة عنق وعيونها سود=
=والخشم سلة سيف والنهد رمان
والخصر في وصفه عن النقص والزود=
=ضامر وانا في ضامر الخصر ولهان
لو مالحيا والدين والدرب مقعود=
=لاضم ملهوف الحشاء وسط الاحضان
في ليلتن ظلما وحراسه ارقود=
=اجلسه معه لو كنت مرهق وسهران
وقدام لايفطن لنا كل مقرود=
=اسري بعد مابان للفجر عنوان
ياعاذلي منته على اللوم محدود=
=مالك عليه حق يذكر وسلطان
الحب مهما قلت مافيه منقود=
=قدامنا حبو طويلين الايمان
في حال والا حال ماضن به فود=
=لاتخلط الاوراق وتقول غلطان