ملتقى قبيلة حرب الرسمي

ملتقى قبيلة حرب الرسمي (http://www.m-harb.net/vb/index.php)
-   الـــمـــلـــتـــقـــى الــــــــــعــــــــام (http://www.m-harb.net/vb/forumdisplay.php?f=47)
-   -   مجرد حكاية =كنز مو زوج؟.............................................. ...... (http://www.m-harb.net/vb/showthread.php?t=151252)

[/table1]
الكحيلة 24-11-14 02:12 AM

مجرد حكاية =كنز مو زوج؟.............................................. ......
 
[table1="width:95%;background-color:darkblue;"]

(مجرد حكاية
كنز مو زوج)
السلام عليكم ورحمة الله وبركاته
كنت مع احدا قريباتي في الانتظار عند الاشعة وجلست بجاني ذيك
الانسانة اللي ماغطةعبتها جمالها بكل تفاصيله كنا بستراحة النسا
ونزلت نقابها تواسيه ذكرت الله عليها وبعد شوي نادها رجال منتصف ملحاه شيب
بحدود ال55 سنة لكن عليه وقار يجبرك بحترامه راحت وبعد شوي رحعت هي بحدود 27
من لقافتي قلت ياعمري الوالد جايبك الله يخليه لك قالت امين لكن مو الوالد هنا دورني ولا تلاقيني
هذا زوجي انا سكت مجبرة ويقالي بتدارك الامر قلت ماشاء الله بعض الكبار ابرك
من الشباب قالت انا الرابعة؟ قلت بنفسي ربي يعوضك وكملت انا كنت متزوجه شاب وجبت طفلين واخذه القدر بحادث وتقدم لي ابو عبد الرحمن وقبلت
هنا انا مذهولة واقول بنفسي الرابعة؟!!! وكملت تصدقين زوجته الاولى نستحي
انا نكشف عندها من جمالها قلت بنفسي هذا صاحي ليلة القدر
ولقيتها حابة تحكي قصتها وقلت وكيف وضعك معه اكيد انه مدللك على قولتهم
قالت لاوالله مايفرق بينا ولاشفنا منه تمييز الا زوجته الاولى يقول اللي تبغى
رضاي تحترمها قلت عيشين مع بعض قالت لا كل واحدة لها فلة كامله
لكن بعد المغرب يوميا قهوتنا كلنا عند الاولى قلت وهي عادي عندها الامر؟
قالت بالعكس والله ترحب فينا واللي ماتجي تسال عنها قلت بنفسي
معه حق لو ماتستاهل ماشيمها ورديت ماشاء الله ربي يسعدك
وانتي كيف مرتاحة قالت والله ماتصدقيني اني احمد ربي اللي عوضني
في انسان مثله.قلت واطفالك ؟ معاك. قالت هو من اشترط لي بالعقد ان عيالي معاي
ويقول بكسب اجرهم.
وجا دورنا وقمت قلت نصيحة اكسبي رضاه هذا كنز موزوج؟

مثل هذا فل يعدد بارك الله له

الحب الباقي 28-11-14 08:48 AM


تعدات الزيجات له فايده
الله يـعـطـيـك الـعـافيـــــــــــة
بيض الله وجهك

الكحيلة 28-11-14 11:15 AM

اقتباس:

المشاركة الأصلية كتبت بواسطة الحب الباقي (المشاركة 1421920)
تعدات الزيجات له فايده
الله يـعـطـيـك الـعـافيـــــــــــة
بيض الله وجهك

من كان مثل هذا الرجل وجب عليه التعدد

لكن قله واقليه بل نادر
الله يجزاه خير وبيض الله وجهه
يسلم مرورك



الساعة الآن 11:35 PM

Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi