بلّغ سلامي ياسعيد الخذامي=ياطيّب السمعه عشير المناعير
كل ابلجٍ مطنوخ حرًّ اقطامي=من ساس شهران العريضه مشاهير
لاثار عج االخيل مثل العسامي=يثنون خلف الجاذيه باالبواتير
سيوفٍ تلضّا مثل برق الضلامي=(هدّاتهم يشبع بها الذيب والطير)
شطرٍ سمعته له جزيل حترامي=مقيول قبلي من كبار الشواعير
احبكم حب العرب للغمامي=غيثٍ من المنشا مزونه مزابير
ون هل وبله مع قدوم الوسامي=رحمه من المولى ولي المقادير
انتم هل الطولات واهل المقامي=عن غيركم عندي ترا قدركم غير
ماقولها جائع ولاني بضامي=احـبكم والله معزّه وتقدير
هذا وانا حرب الحريبه حزامي=درعي اليا صكّة علي الطوابير
اليا شان مردود الّغا والكلامي=ارقا بهم روس الجبال الشناظير
ماقل دل اختامها والسلامي=باالمسك والعنبر جزال التعابير
وصلّو على المختار سيد الأنامي=رسول مرسل باالهدا والتباشير

وصل السلام وقايله مايضامي=يامرحبا به عد وبل الشخاتير
يامرحبا باللي عداه الملامي=ببيات شعر مثل صرف الدنانير
ترحيبة تزهى كبار الأسامي=تفتح لها البيبان من دون تقصير
مثلك يروس الطيب شرقن وشامي=يابن الجليدي لك محبه وتقدير
من روس حرب متيهين الجهامي=أهل القنا اللي تحتمون المصاغير
يوم الطراد ويوم ضرب الحسامي=وقعاتهم ماجنبتها الأساطير
قوم خذو نوط الفخر والوسامي=كيفن لهم وسط الدلال المباهير
قلته عن الربع العزاز الحشامي=هم عزوتي شوق البني الغنادير
عن لابتي شهران حرز النوامي=تأمن بهيبتهم عذوق البواكير
من حبهم في ذمتي مايلامي =وخويهم ينسى العنا والمعاثير
وختامها حسب الطلب والنظامي=صلو على اللي طهر الرجس تطهير
نبينا طه عليه السلامي=ماكوسرت بالحانها سجع الطير