|
قصيدة موجهه الى الشاعر خليفة المزروعي
إلا يـا خليفة لـيـت لـي با لجسد جنحان=لاسوي سوات الـحـر لاهـد يفردها وهد الفضاء ورقى على غيمة الاحزان=وعدي سما فـوق الهموم ولهايدها ولامـن نزلت النزل عـلى نايف الظلعان=وخاوي طيور الحوم ابـاري هدايدها ولضاقت بنا الديره وهمي غداء نيشان=اسج الجناح وهـدت الـحـوم نبعدها وعـمـد الديـار اللي عـليها المطر هتان=ديـار مـزون الـغـيـث علت مواردها ونـادي بـنـات الـفـكـر يـبـنـلـي الـكيفان= لعل الهموم اتروح ونقطع مدايدها عـسا يـا تـسـلـى وجـعـل الـهـم لـنسيان=وعالج بنسياني جروحي وسهايدها ونا ماارفعت الصوت اغني ترى طربان=مـغـيـر اتـسلـى بـالحـون ونشايدها تـبـصـر بحالـي وعـطني طب يا شيهان=قبل ماتروح الروح وتسكن لحايدها وباختم كلامي وادعـي الله عظيم الشأن=يـبــدل قـلـوبٍ كـايــدات بـحسـايدهـا |
ياللي بنيت القاف من زين الألحان
صح الله السانك يابو فارس وبيض الله وجهك وفي ابو احمد ليكتمل الجمال |
صح لسانك مليون على القصيده والله يـعـطـيـك الـعـافيـــــــــــة بيض الله وجهك |
اقتباس:
حياك الله اخوي ابو فارس والمعذره على التأخير وتشرفت بتوجيهك لي ابياتك الجميله واليك الرد ياغالي
كلامك وصلني والردد بسمه الرحمن=وحي البيوت وحي منهو يرددها تمنيت لاكن التمني من الشيطان=عطاك الكريم العقل والعقل سايدها ترا اكبر عطايا نعمته خلقت الإنسان=ومنعم علينا بنعمتن ما نحدد ها ودنياك ماتكمل ويبقى بها النقصان=ولوزانت الدنيا ماتسلم ناكايدها ليا ضاقت الديره بكم غير الأوطان=تدرج وطوف اسهولها مع سانايدها ومر العدود اللي بها يفرح الظميان=وشيل اللحون اللي تنشط نشايدها تسلى يبو فارس وخل الفرح عنوان=وهاذي سلوم الناس هاذي عوايدها وطب النفوس الصبر والذكر والقرأن=وسجده في تال الليل لله ساجدها وأختم ردودي لك بالمسك والريحان=وصلو على اللي هادي الخلق رايدها |
صحت ألسنتكم وبيض الله وجيهكم
الله يعطيكم العافية |
صح الله السنتكم
شعرانا الكرام |
صح لسانك يالجريسي والله يعينك
ويحقق لنا وياك مافيه خير لنا |
صح الله اللسانك وبيض الله وجهك
|
صحــت السنتكــم دمتم برعاية الله وحفظة |
صحــت السنتكــم
|
الساعة الآن 12:53 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir