من بعد حج الحجيج ولا سمعنا واحد راح= الناس حجوا وعادوا سالمين من الاذية
يسر بلا عسر لازحمة ولا من نايح ناح= والشكرللواحد الخلاق معبود البرية
روحت يم المدينة وان ريح الورد فواح= ازهور فاحت عليه عند باب العنبرية
مشيت اتابع شذاها لين جاني صوت صياح= والياه دلالها نادى عليها فالعشية
ساعة نظرت الزهور ومحتواها قلبي ارتاح = وشريت بعض الورورد اللي روايحها زكية
• باقات ورد وفل وياسمين وجملة ارياح= عبيرها يبري اللي داخله علة خفيىة
• زهور تشرى وتهدى دايما في عز الافراح= تعبير عن مانكنه في القلوب من التحية
• شريتها قصدي اهديها على من قام باصلاح= بالحفظ والصون لين اقول له جاتك هدية
• اصلاح شأن العرب والمسلمين يلين ينزاح = الشر عنهم وفعل الخير يشملهم سوية
• بارمي بها في طريقه يلتقيها وين ماراح = يستاهل الطيب من كانت مباديه اجودية
• وان قلت من هو باقول الصقر كاسب كل الامداح = ماغير عبد الله اللي رايته دايم علية
• معمر المسجدين وللعدا لطام نطاح = مساعي الخير شانه ماتجي منه الردية
• بلغ سلامي عليه بصدق ماهو قول مزاح = عساه دايم بخير ولا تشكوى من شكية
• ويشمل سلامي وقولي نايبه والعلم وضاح = يضفي على اسرة با لحق هيبتها قوية
• واختامها ذكر ربي عد برق في السما لاح = ومحمد المصطفى ذكره عليه القابلية

المشاركة الأصلية كتبت بواسطة الكحيلة (المشاركة 1385741) اللهم صلي وسلم على محمد قصيدة ملات المتصفح عطر وفاء واخلاص لقادة هذا البلد ونحمد الله على نعمة الامن والامان والله يحفظك ياخير الاوطان شاعرنا وشيخنا الفاضل/حسين مريع العبيدي صح السانك لاهنت ولاهن منطوقك جزالة لاشك

المشاركة الأصلية كتبت بواسطة ابوهليل (المشاركة 1385757) صح لسانك يابوماجد قصيده جزله فيها من الوفاء من اهل الوفاء بيض الله وجهك

المشاركة الأصلية كتبت بواسطة نديم المجرة (المشاركة 1385759) صح لسانك وكل عام وانتم بخير

المشاركة الأصلية كتبت بواسطة الحب الباقي (المشاركة 1385785) تسجيل تواجد في منبر الجزاله صح لساانكـ بيض الله وجهك