|
سود النوايا
أنا صواريخي بعيدٍ مداها=ماضرب بها غير الحصون المنيعه لاهدافها لامن فكري قداها= تبطي قلوب اعداي منها وجيعه الهينه ماني على مستواها=النفس عنها يالنشاما رفيعه واشوف لي ناسٍ تلاهث وراها=تبي بها عند الخلايق صنيعه ماحد درى عن غيضها مع رضاها=والعام ماحضرت نهار الوديعه لقيت عيب اسيوفها من صداها=والسيف عيبه يوم يفقد لميعه يخون بعض الناس زايد ذكاها=سود النوايا والحسد والخديعه الكايده عنها ثقيله خطاها=ويصيبها دون المواقف فجيعه نجومها تدبح ويظلم سماها=وطيع علمٍ بالرخا ماتطيعه وبالثانيه لناس ترفع لغاها=تقبل وتقفي من غباها سريعه تدرج على حب الموالي رحاها= وتناهشه مثل الكلاب المجيعه يالله كرم لحيتي عن لحاها=وضيق على سود القلوب الوسيعه |
تسجيل تواجد في منبر الجزاله صح لساانكـ بيض الله وجهك |
شاعر حرب سعد المحمدي
عادتك الجزاله بيض الله وجهك وصح لسانك |
عيب اسيوفها من صداها=والسيف عيبه يوم يفقد لميعه
يخون بعض الناس زايد ذكاها=سود النوايا والحسد والخديعه الكايده عنها ثقيله خطاها=ويصيبها دون المواقف فجيعه صح الساااانك يا بو تركي انت شاعر كبير بكل المقاييس. ودائما تاتي بقوه. وهذا الشاعر الواثق من مبادئه صح السانك يابو تركي. ولله درك. |
الشاعر الكبيرسعد المحدي اسم لمع باالقصايد الهجومي المغلفه
صح السانك وسلم بنانك هذي قذايف صواريخ من البحر الاحمر ههههه الله يجنبنا اغضبه ياكريم قلت فااجدة وتقبل مروري وتحياتي |
كلام غاية بالروعة
يسلم ذوقك. |
كفو ومليون كفو وقدها فعلا انت يابوتركي للكايدات ولست للهينات
وصح السانك على هالابيات .. وماقلت إلا الحقيقه وتسلم ياشاعرنا الكبير/سعد المحمدي... اجمل تحيه لكم... |
اقتباس:
تستحق اكثر من خمس نجوم |
صح السانك بو تركي
|
اقتباس:
صح بدنك يابن العم على مرورك |
الساعة الآن 10:00 PM |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir