ياشـبـل إن بـغـيـت تعـلـو بروس الطـويـلات=وتـحـط لك بروس الـنايـفات موقع وسـفـارة
تـعـرّف طـريـقـك حلوه ومره والخطـيـرات=ادرس قـبـل السـفـر سـوه وصـدقه والشطارة
تعـرّف هـزله وجـزله وسـهـله والصعـيـبات=حتى تعرف اللي تكسبه واللي مجيبه خسارة
تـرى الحـر صــيــده مـن روس السـمـيـنات=وإلا طــيــر بـالعــلا صــيـده جـراداً وفــارة
ماكـل طـيراً طـيـر ولكل الطـيـور أصيـلات=طيـراً سـاسـه من سـاس وكـور الـصــقــارة
وطيراً بهـفـواتـه يطـيح طـيحـاتً وعـثـرات=سـر ساسـه قـصـربه عـن فـعــول الــنــدارة
ولا يغـني عن الرديان إلا كسـب اليـمـيانات=بكسـب الـيـمـين تعلـو وتكبـر وتكسب وقارة
ثوب غـيـرك لو لبسـتـه ماسـتر لك عـورات=وإن كثرت خدوشه تـنـقـدك عـرون الـنـمارة
احذر رفيق السو وأهل العـقـول النـقـيـصات=ابعد عن رفـقـتهـم إن كان بغـيـت الـنـعــارة
ارفع رأسـك وساوبه روس أهـل الـنـعـارات=تقوم من مقامهم وإن طاحـوا ما أنت بثـبـارة
دام طرقهـم أمان ورحابهـم وساعاً فسـيحات=ضني قبورهم عليـهـا من رحمة الله غـفــارة
بالاستـقـامة تسعـد أمورك وتكسـب مسـرات=وبالـنـدامـة تـندم أمورك وتــزيـدك خـســارة