بين الصواب وبين عكس الاتجاه=
=انا لقيـت التبـع مثلـه يتبعـه
وشد انتباهي سلك من كم العباه=
=ماجود بدون الخمس فوق الاربعه
حوله من الواعين ريبه وشتبـاه=
=سمعت بالموضوع غلطة مطبعه
حبر القلم لونين في جنب الصفاه=
=ماقول شوف العين نسمع قربعه
يقوله اللي يعرف البير وغطـاه=
=فطين مايعمي عيونـه بصبعـه
فصيح ماينشب لسانه في جمـاه=
=يوجع بطعناته وضيفـه يشبعـه
تم الكلام ومن يـدور لـه لقـاه=
=من شاعرٍ جاب الخبر من منبعه

بالديره اللي ياعسى مجنونهـا يرجـع وراه=
=والوضع ماهو يالبناخي راس ضب وجربعـه
الدار فيها حل شيـخٍ ياخـذ الحـق وعطـاه=
=يصد عن هرجة كبير النفـس راع البعبعـه
ماجبت علم البارق اللي لاح من فوق الحصاه=
=جنوب وانت تخيل براقـه شمـال الاصبعـه
لوكل من يرمي يابن عمي يعد مـن الرمـاه=
=تلقـى الديارامـا دهـر ولا الديـار مربعـه
الحق يرضي والرفيق الحـر مانشقـر عصـاه=
=أصير دونه عن شعاع الشمس ثوب وقبعـه
دايم نحاول يالبناخي بالزمن نكسـب رضـاه=
=وان شاف راسه فوق روس القوم والله لجبعه
قال المثل ياصاحبي مال السلامـه والغنـاه=
=راع الطبيعـه مايخليهـا يـالـو اطبـعـه

المشاركة الأصلية كتبت بواسطة بخيتان البشري (المشاركة 1366812) صح لسانك يابو تركي وصح لسان عبدالرحمن راعي وفا يابو تركي رديت بسبعة ابيات على البيتين 0 يقولون رد العواري بروسها وابو تركي إن مايزيدها ماينقصها وشهادتي فيك مجروحة ، بيض الله وجهك

المشاركة الأصلية كتبت بواسطة ناصر بن مصلح الاحمدي (المشاركة 1366827) صح لسانك يابو تركي دائماً جزل يابن العم وليست غريبه عليك الجزاله وصح لسان عبدالرحمن الحربي الله يعطيكم العافيه ابناء العم

المشاركة الأصلية كتبت بواسطة عيسى العوفي (المشاركة 1366829) لوكل من يرمي يابن عمي يعد مـن الرمـاه تلقـى الديارامـا دهـر ولا الديـار مربعـه صح الساااااااانك وصح السان عبدالرحمن لاهنت يابو تركي عادتك الجزاله دائما