ودي احمل بعير النـاس حملـه والوساقـه=قبل ابن هذال لايبني علـى الاصنـام قبـه
بل راسه لين في راسـه تعلمنـا الحلاقـه=واحـدٍ ماهـوب داري نمدحـه ولانسـبـه
انت ودك بس ماتقـدر لهـا مافيـك طاقـه=الجمل من دونه الجمال يسعى تحـت ربـه
ابك انا مانيب يامطلـق لكـم قطـاع ساقـه=كل جرح ٍ عندنا طبه وعنـدك ويـش طبـه
جيت اروز الظبي وليا ان الظبي ياخف ساقه=قرنه اعوج مير ساقه يالعتيبـي فيـه صبـه
والله انك ماتحصل لك مع الظلـع انطراقـه=ريعنا مسدود والجمر الحمر قدمـك نشبـه
الظبي لا طاح جيد وراضعٍ من ديـس ناقـه=بالمخادع والحياله يدخلك في جـوف عبـه
ريعكم مفتوح والسارق يـدور لـه سراقـه=وان عطيت البحر اعدلبك على عشرين غبه
ياخلـف عـدل رفيقـك لاتغلطـه الحماقـه=درسه كتب البخاري لين يعرف ديـن ربـه
انفتح في جذركم يااصحابنا عشريـن طاقـه=لاتقولـون الهبايـب فـي وطنـا ماتهـبـه
كيف اعدل عود محني له مقاضيب ٍ دقاقـه=وصّل اصله من غصونه نقطة ٍ سوداء وحبه
بيتنا محفوظ مانرمي على سطحـه علاقـه=محتمينه بـام خمـس ويشهـد الله ماتطبـه
واحدٍ عيـا يفارقنـي وانـا باغـي فراقـه=كيف ابا اشريله عباه وبشت وثيـاب وجبـه
العراقي مايعيش بخيـر لا فـارق عراقـه=مير وده في بلاده واكرهـه مثلـي وحبـه
كان في جيبك فلوس وتعشق الفزعه عشاقـه=لبسه من لبسك اللي تلبسـه واحـذر تسبـه
صدر مطلق خابره ضيق واضيق له خناقـه=قاظبه قظب العمى شاته مااكبه كيـف اكبـه
جيت ابا اداوي الجروح ولالكم فالطب فاقـه=لو اخيط الجرح فيكم ينفتح من عقـب غبـه
لو حمست البن فالمحماس دوخنـي حراقـه=كل بـن ٍ ينحـرق عنـد النشامـا مانصبـه
الجروح الها على الجراح لفته واصطفاقـه=ياطبيب القوم جبت الاكسجيـن بـدون دبـه
روح التكسي على فاله ومطلق مـن غلاقـه=من ثقل مطلق علاه يطـب ماحـس بمطبـه